2 Emakhosi 3:23 - Siswati 1996 Bible

²³ Akhuluma atsi: “Yingati leya! Lamakhosi lamatsatfu alwe odvwana agwazana. Asambeni siye enkambu yabo siyekutikholisa ngemphango, maMowabi!”

2 Emakhosi 3:23 ပူးပေါင်းရင်းမြစ်များ

2 Emakhosi 3:22

Atsi nakavuka ekuseni ngakusasa, lilanga lakhanyisa emantini. KumaMowabi labengesheya kwendlela, lamanti abonakala abovu, afanana nengati.

2 Emakhosi 3:24

Kodvwa atsi emaMowabi nakefika enkambu yaka-Israyeli, ema-Israyeli avumbuka, alwa nawo, aze emaMowabi abaleka. Ema-Israyeli alihlasela lelo live, agwaza emaMowabi.

2 Emakhosi 7:6

ngobe Simakadze wenta emaSiriya eva shangatsi kuta umsindvo walenkhulu imphi yemahhashi netincola tawo, ase acabanga kutsi inkhosi yema-Israyeli seyimeme emakhosi emaHethi newemaGibhithe, nemabutfo awo kutsi atekuwahlasela.

2 Tikhronike 20:25

Ngako Jehoshafati kanye nemadvodza akakhe bahamba bayawutitapela imphango, batfola kuyo ingcebo lenyenti netimphahla letinyenti tekwembatsa kanye netimphahla letinelinani lelikhulu, baze behluleka nekutetfwala tonkhe. Imphango yaba yinyenti kangangekutsi kwatsatsa emalanga lamatsatfu kuyibutsa bayicedze yonkhe.

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Isaya 10:14

Njengalofinyelela esidlekeni senyoni, kanjalo sandla sami safinyelela kuyo imicebo yetive; njengobe bantfu babutsa emacandza lashiyiwe, kanjalo nami ngawabutsa onkhe emave, kute nalinye lelake labhengutisa luphiko nome lavula umlomo lantjilota.’ ”

Tikhulu 5:30

‘Kambe ngabe babutsa behlukaniselane imphango, kutsi intfombi yinye nome timbili tibe tendvodza yinye, kutsi tembatfo letimibalabala tibe taSisera, yebo, tembatfo letimibalabala naletihlotjisiwe tibe yimphango, tembatfo letihlotjiswe ngala nangale tentsamo yami, konkhe loku kube yimphango?’