2 Emakhosi 3:19 - Siswati 1996 Bible

¹⁹ Nitawehlula onkhe emadolobha latinqaba kanye nalawo lamakhulu. Nitatigeca tonkhe tihlahla letinhle, nivimbe yonkhe imitfombo, niwabhubhise ngematje onkhe emasimi lavundzile.”

2 Emakhosi 3:19 ပူးပေါင်းရင်းမြစ်များ

Genesisi 21:19

Nkulunkulu wawavula emehlo aHagari, wabona sicobho semanti, waya kuwo wafike wagcwalisa sigubhu ngemanti, wanatsisa lomntfwana.

2 Emakhosi 13:17

Wakhuluma futsi enkhosini, watsi: “Vula lifasitelo langasemphumalanga.” Inkhosi yalivula. Elisha watsi kuyo: “Dubula.” Inkhosi yadubula. Elisha wamemeta, watsi: “Umcibisholo waSimakadze wekuncoba, umcibisholo wekuncoba emaSiriya! Utawabhubhisa aphele emaSiriya e-Afeki.”

2 Emakhosi 3:25

Abhubhisa emadolobha, kwatsi leyo naleyo ndvodza yajikijela litje kuwo onkhe emasimi lavundzile, aze avaleka angabonakali. Avimba yonkhe imitfombo, agawula tonkhe tihlahla letinhle. Kwaba yiKhiri Heresi yodvwa leyasala inematje asetindzaweni tawo. Kodvwa emadvodza labehlome ngetidubulelo ayitungeleta nayo, ayihlasela.

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

Tikhulu 6:16

Simakadze waphendvula, watsi: “Ngitakuba nawe, wena-ke utawugadla emaMidiyani uwabulale kube sengatsi ugalela umuntfu munye.”

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”

1 Samuweli 23:2

Davide wabuta kuSimakadze watsi: “Ngihambe yini ngiyewuhlasela lamaFilisti?” Simakadze wamphendvula watsi: “Hamba uyewuhlasela emaFilisti, usindzise iKheyila.”