2 Emakhosi 3:18 - Siswati 1996 Bible

¹⁸ Loku yintfo lemalula kabi emehlweni aSimakadze, kantsi futsi naMowabi utamnikela etandleni tenu.

2 Emakhosi 3:18 ပူးပေါင်းရင်းမြစ်များ

2 Samuweli 7:19

Kwaba shangatsi konkhe loku bekungakeneli kuwe. Awu! Nkhosi, Simakadze! Manje sewukhulume ngisho nangelikusasa lendlu yenceku yakho. Kungabe kantsi lena nguyona ndlela lophatsa ngayo bantfu bakho yini, Nkhosi, Simakadze?

1 Emakhosi 16:31

Akazange agcine ngekutijabulisa ngetono letatentiwe nguJerobowamu kuphela nje, kodvwa yena waze wateka naJezebeli, indvodzakati ya-Etbhali, inkhosi yemaSidoni, wamenta umkakhe; wacala kukhonta nekukhotsamela Bhali.

1 Emakhosi 20:13

Ngasona leso sikhatsi kwefika umphrofethi enkhosini Ahabi, watsi: “Simakadze utsi: ‘Uyayibona yini lemphi lenkhulu kangaka? Ngitayinikela esandleni sakho, kuze wati kutsi mine nginguSimakadze.’ ”

1 Emakhosi 20:21

Inkhosi yaka-Israyeli yasondzela yabhubhisa lamahhashi kanye netincola, yawashaya yawabhuca emaSiriya.

1 Emakhosi 20:28

Lomuntfu waNkulunkulu wefika wakhuluma enkhosini yaka-Israyeli, watsi: “Naku-ke lokushiwo nguSimakadze, utsi: ‘Njengobe emaSiriya acabanga kutsi Simakadze ungunkulunkulu wemagcuma, akasiye nkulunkulu wematsafa, yonkhe lemphi yawo ngitayinikela etandleni tenu, kuze nati kutsi mine nginguSimakadze.’ ”

1 Emakhosi 3:13

Ngetulu kwaloko ngitakupha naloku longakakuceli, yebo, bunjinga, nekuhlonishwa, neludvumo, kuze kutsi ngetikhatsi takho kubete nayinye inkhosi emhlabeni lefanana nawe.

2 Emakhosi 20:10

Hezekiya watsi: “Kuyintfo lelula kutsi sitfunti siye embili tinyatselo letilishumi. Lokungenani sitfunti singamane sibuyele emuva tinyatselo letilishumi kuleto titebhisi.”

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 7:13

Isaya wase utsi: “Lalela lapha, wenandlu yakaDavide! Kuyini kini lokube solomane nihluphana netinhlitiyo tebantfu? Nyalo senifuna nekuhlupha Nkulunkulu wami yini kantsi?

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Jeremiya 32:27

“Mine nginguSimakadze, Nkulunkulu wabo bonkhe bantfu. Kukhona yini lokungehlulako mine?

Hezekeli 8:17

Watsi kimi: “Ndvodzana yemuntfu, ukubonile loko? Kuyintfo lencane yini kutsi indlu yakaJuda yente letintfo letisinengiso kangaka labatentako lapho? Kufanele yini kutsi nabo baphindze bagcwalise nelive ngebudlwangudlwangu bachubeke nekungichukuluta kutsi ngitfukutsele? Ase ubabuke nje, nase bahlohlela ligala emakhaleni abo!

Makho 10:27

Jesu wababuka emehlweni wase utsi: “Kubantfu kungeke kwenteke loku, kodvwa kuNkulunkulu kungenteka, ngobe kuNkulunkulu konkhe kuyenteka.”

Lukha 1:37

Nkulunkulu akehlulwa lutfo.”

Kubase-Efesu 3:20

Kuye lonemandla ekwenta lokukhulu kakhulu kunako konkhe lesikucelako nome lesikucabangako, ngekwemandla lasebenta kitsi,