2 Emakhosi 3:11 - Siswati 1996 Bible

¹¹ Kodvwa Jehoshafati wabuta, watsi: “Kute yini lapha umphrofethi waSimakadze, kuze siyewubuta ngaye kuSimakadze?” Indvuna yenkhosi yaka-Israyeli yaphendvula, yatsi: “Elisha, umsa waShafati, ulapha. Abevamise kutsela emanti etandleni ta-Elija.”

2 Emakhosi 3:11 ပူးပေါင်းရင်းမြစ်များ

Genesisi 18:4

Ase nginiletsele liyakana lemanti nitewugeza tinyawo tenu, bese niphumula la emtfuntini walesihlahla.

1 Emakhosi 19:21

Ngako Elisha wamshiya, wancandzeka. Watsatsa letinkhabi letimbili watihlaba. Watsatsa lelijoko lekubophela walibasa, wapheka ngalo lenyama, wapha bantfu, badla. Wabe sewuyaphuma ulandzela Elija, waba ngumsiti wakhe.

1 Emakhosi 22:7

Kodvwa Jehoshafati wabuta watsi: “Sekute yini lomunye umphrofethi waSimakadze lapha lesingabuta kuye?”

2 Emakhosi 2:25

Elisha wachubeka waya eNtsabeni iKhameli; wesuka lapho wancandzeka wabuyela eSamariya.

2 Emakhosi 3:10

Inkhosi yaka-Israyeli yekhuta umhlolo, yatsi: “Ini! Simakadze ngabe usibitele ndzawonye, tsine makhosi lamatsatfu kutsi atesiniketa esandleni saMowabi?”

2 Emakhosi 3:12

Inkhosi Jehoshafati yatsi: “Livi laSimakadze likuye.” Ngako inkhosi yaka-Israyeli, neyakaJuda kanye neyaka-Edomu ehla aya kuye.

2 Emakhosi 3:3

Noko wajinge wanamatsela etonweni taJerobowamu, umsa waNebati, leto ladvonsela ngato sive saka Israyeli ekoneni; akazange esuke kuto.

1 Tikhronike 10:13

Sawula wafa, ngobe abengaketsembeki kuSimakadze; akazange aligcine livi laSimakadze, wadzimate wayawufuna indlela nasesangomeni imbala,

1 Tikhronike 14:10

Ngako Davide wabuta kuNkulunkulu, watsi: “Kufanele yini ngihambe kuyawuhlasela lamaFilisti? Utakuwanikela yini esandleni sami?” Simakadze wamphendvula watsi: “Yebo, hamba, ngobe ngitawanikela esandleni sakho.”

1 Tikhronike 14:14

Ngako Davide waphindze wabuta kuNkulunkulu, Nkulunkulu wamphendvula watsi: “Ungenyukeli lapho, kodvwa watungelete ngemuva, bese uwahlasela ngembili kwetihlahla tebhalisamu.

1 Tikhronike 15:13

Kungobe nine, maLevi, anilenyusanga kwekucala, ngako-ke Simakadze wasitfukutselela ngaleso sikhatsi. Asizange sike sibute kuSimakadze kutsi singakwenta kanjani njengobe kubhaliwe.”

2 Tikhronike 18:6

Kodvwa Jehoshafati wabuta watsi: “Sekute yini lomunye umphrofethi waSimakadze lapha lesingabuta kuye?”

Tihlabelelo 74:9

Tibonakaliso tenkholo yetfu asisatiboni, sekute ngisho nemphrofethi, kute ngisho nalapha emkhatsini wetfu lowatiko kutsi kuyawudzimate kube ngunini.

Jeremiya 37:17

Inkhosi Sedekiya wase uyatfumela kutsi akalandvwe aletfwe kuye esigodlweni, lapho wafike wambuta ngasense, watsi: “Likhona yini livi lelivela kuSimakadze?” Jeremiya waphendvula watsi: “Yebo, likhona, litsi: Wena utawuniketelwa enkhosini yaseBhabhulona.”

Amose 3:7

Ngempela iNkhosi Simakadze kute lekwentako ingakayembuli inhloso yayo etincekwini tayo, baphrofethi.

KubaseFiliphi 2:22

Kepha vele niyakwati kwetsembeka kwakhe, kutsi ukhonte kanye nami eVangelini njengendvodzana ibambisene neyise.

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

Joshuwa 1:1

Emvakwekufa kwaMosi, inceku yaSimakadze, Simakadze wakhuluma naJoshuwa, umsa waNuni, labengumsiti waMosi, watsi:

Joshuwa 9:14

Emadvodza aka-Israyeli ayihlola lemiphako yawo, kodvwa akazange abute lutfo kuSimakadze.

Tikhulu 20:18

Baka-Israyeli bakhuphukela eBetheli, bayawubuta kuNkulunkulu, batsi: “Ngubani kitsi lotawuphuma kucala kuyawulwa nebakaBhenjamini?” Simakadze wabaphendvula watsi: “BakaJuda labatawuphuma kucala.”

Tikhulu 20:23

Baka-Israyeli bakhuphuka bayawukhala embikwaSimakadze laze layawushona, solomane babuta kuSimakadze, batsi: “Siphindze yini sikhuphuke siyekulwa nabomnaketfu bakaBhenjamini?” Simakadze wabaphendvula watsi: “Khuphukani niyekulwa nabo.”