2 Emakhosi 25:5 - Siswati 1996 Bible

⁵ kodvwa emabutfo emaBhabhulona acosha Sedekiya, inkhosi, aze amkhandza etsafeni laseJerikho. Onkhe emasotja akhe esuswa kuye asakatwa,

2 Emakhosi 25:5 ပူးပေါင်းရင်းမြစ်များ

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

2 Emakhosi 25:6

yena wabe sewuyatfunjwa. Watsatfwa wamikiswa enkhosini yaseBhabhulona eRibla, lapho yefike yakhipha sigwebo sayo kuye.

Isaya 30:16

Natsi nine: ‘Cha, tsine sitawubaleka ngemahhashi.’ Ngako-ke nitawubaleka! Nine natsi: ‘Sitawugibela emahhashini lagijimisa kwembane.’ Ngako-ke laba labanicoshako nabo bayawugijimisa kwembane!

Jeremiya 21:7

Simakadze utsi: Emvakwaloko Sedekiya, inkhosi yakaJuda, netindvuna tayo, nebantfu balelidolobha labayawusindza kulesifo lesibulalanako, nenkemba, nendlala, ngiyakubanikela kuNebukhadnezari, inkhosi yaseBhabhulona, nasetitseni tabo letifunana nemphilo yabo. Uyawubabulala ngenkemba, angabi naso nakancane nje sihawu, nesihe kanye neluvela.’ ”

Jeremiya 24:8

“ ‘Kodvwa njengalamakhiwa lamabi langadleki ngiyakwenta njalo kuSedekiya, inkhosi yakaJuda, netindvuna takhe, nensali yaseJerusalema, nome basele lapha kulelive nome bahlala eGibhithe,’ kusho Simakadze.

Jeremiya 34:3

Ngeke uphunyule esandleni sakhe nase akubambile, kodvwa nakanjani utawutfunjwa unikelwe esandleni sakhe. Inkhosi yaseBhabhulona utayibona ngemehlo akho, futsi itawukhuluma nawe buso nebuso. Wena utakuya eBhabhulona.

Jeremiya 39:5

Kodvwa lamabutfo aseBhabhulona abacosha, akhandza Sedekiya etsafeni laseJerikho. Ambamba ammikisa kuNebukhadnezari, inkhosi yaseBhabhulona, labeseRibla, eveni laseHamathi, lapho akhipha khona sigwebo sakhe kuye.

Jeremiya 52:8

kodvwa emabutfo aseBhabhulona acosha inkhosi Sedekiya, aze ayikhandza etsafeni laseJerikho. Onkhe emasotja aSedekiya esuswa kuye asakatwa,

Sililo 1:3

Emvakwekushaywa nekukhandleka kamatima, Juda sewuyiswe ekutfunjweni. Sewuhlala emkhatsini wetive, akayitfoli indzawo yekuphumula. Bonkhe labacoshana naye sebamkhandzile, bamkhandza asekhatsi elusizini.

Sililo 1:6

Bonkhe lobucwebecwebe sebunyamalele kuyo iNdvodzakati yaseSiyoni. Babusi bayo bafanana netinyamatane letilambako; letibaleka ngekutayiya, natibalekela batingeli bato.

Hezekeli 12:14

Ngiyawubasakatela emimoyeni, bonkhe labo labayisingatsile, tisebenti tayo nawo onkhe emabutfo ayo, ngiyawubacosha ngenkemba.

Hezekeli 17:21

Onkhe lamabutfo akhe labalekako ayakuwa ngenkemba, nalabo labayawuphunyula bayawusakatelwa emimoyeni. Ngulapho-ke niyawukwati khona kutsi mine Simakadze ngikhulumile.’ ”

Hezekeli 19:1

“Phakamisa sililo ulilele tikhulu taka-Israyeli, utsi: