2 Emakhosi 25:30 - Siswati 1996 Bible

³⁰ Onkhe emalanga inkhosi yayinika Jehoyakhini imbasha nalokunye lekwakusabelo sakhe lesimile semihla ngemihla, yingci nasaphila.

2 Emakhosi 25:30 ပူးပေါင်းရင်းမြစ်များ

1 Emakhosi 2:7

“Kodvwa uboba nemusa kumadvodzana aBhazilayi wakaGileyadi, uwente abe ngulabanye balabo lotabodla nabo etafuleni lakho. Bema ngakimi bangisekela ngesikhatsi ngibalekela umnakenu Absalomu.

Nehemiya 11:23

Bahlabeli-ke bona babephetfwe ngimiyalo yenkhosi leyayinguyona ibalawula ngemisebenti yemalanga ngemalanga.

Nehemiya 12:47

Ngako ngetikhatsi taboZerubhabheli naboNehemiya, onkhe ema-Israyeli abeletsa umnikelo welilanga ngelilanga webahlabeli newabomahlalesangweni. Ngabo futsi labebabela lawa lamanye emaLevi incenye yawo, nemaLevi ehlukanisa tabelo tetitukulwane ta-Aroni.

Jeremiya 22:26

Wena nenyoko lowakutala ngitanikhukhulela kulelinye live, lapho ningatalelwanga khona nobabili, ngulapho niyawufela khona.

Jeremiya 52:34

Onkhe emalanga inkhosi yaseBhabhulona yayinika Jehoyakhini imbasha nalokunye lekwakusabelo sakhe lesimile semihla ngemihla, yingci nasaphila, kwadzimate kwaba lilanga lakhe lekufa.

Danyela 1:5

Inkhosi yawehlukanisela sabelo sekudla kwawo onkhe emalanga neseliwayini lasetafuleni lenkhosi. Bekufanele aceceshwe iminyaka lemitsatfu, emvakwaloko bese angena emsebentini wenkhosi.

Matewu 6:11

Siphe lamuhla kudla kwetfu njengasemalangeni onkhe.

Lukha 11:3

Siphe lamuhla kudla kwetfu njengasemalangeni onkhe.

Imisebenti yebaPhostoli 6:1

Emvakwesikhatsi, seloku bafundzi bandza ngebunyenti, kwaba khona kucabana nekungevani emkhatsini wemaJuda lakhuluma siGriki nemaJuda ekutalwa. EmaJuda lakhuluma siGriki asola kutsi bafelokati bawo babenganakwa ekwenetisweni kwemihla ngemihla.