2 Emakhosi 25:3 - Siswati 1996 Bible

³ Kwatsi ngelilanga lemfica enyangeni yesine, indlala yakhungatsa lelidolobha kamatima, kangangekutsi kwaze kwabate lokwakungadliwa bantfu.

2 Emakhosi 25:3 ပူးပေါင်းရင်းမြစ်များ

2 Emakhosi 25:2

Lelidolobha lahlala livinjetelwe, kwaze kwaba ngumnyaka weli-11 wekubusa kwenkhosi Sedekiya.

2 Emakhosi 6:24

Kwatsi emvakwesikhatsi Bheni Hadadi, inkhosi yemaSiriya, wahola yonkhe imphi yakhe wayawuvimbetela iSamariya.

2 Emakhosi 6:25

Kwaba nendlala lenkhulu kabi eSamariya ngenca yaloko kuvinjetelwa kwayo. Inhloko yembongolo yase ibita tinhlavu tesiliva letingema-80, bese kutsi umbhidvo lowawungagcwala sandla wona ubite tinhlavu tesiliva letisihlanu.

Isaya 3:1

Buka-ke nyalo, iNkhosi Simakadze lenguSomandla seyitawususa eJerusalema nakaJuda lokungenako nako konkhe lokubasekelako: konkhe kudla lokungenako nawo onkhe emanti langenako,

Jeremiya 19:9

Ngiyawubenta badle inyama yemadvodzana abo neyemadvodzakati abo, badle ngulowo nalowo inyama yemnakabo, ngenca yencindzetelo yekuvinjetelwa lokuyabe kwentiwa titsa letitfungatsana netimphilo tabo.’

Jeremiya 37:21

Inkhosi Sedekiya yase ikhipha umyalo kutsi Jeremiya akabekwe esibuyeni sabogadzi anikwe sinkhwa lesibuya esitaladini sebabhaki onkhe emalanga, size siphele sonkhe sinkhwa edolobheni. Ngako Jeremiya wahlala esibuyeni sabogadzi.

Jeremiya 38:2

“Naku lokushiwo nguSimakadze, utsi: ‘Wonkhe lohlala kulelidolobha uyakufa ngenkemba, nome ngendlala, nome ngesifo lesibulalanako, kodvwa wonkhe lohambako aye kumaBhabhulona, uyawuphila. Uyawuphepha nekuphila kwakhe; uyawuphila.’

Jeremiya 39:2

Kwatsi ngelilanga lemfica enyangeni yesine ngemnyaka welishumi nanye waSedekiya, batifohla tibondza telidolobha bangena.

Jeremiya 52:6

Kwatsi ngelilanga lemfica lenyanga yesine, indlala lapha edolobheni yase imatima kangangekutsi kwase kute nekudla kwalabantfu labebangakudla.

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Hezekeli 5:10

Ngako-ke ngekhatsi kwakho boyise bayawudla bantfwababo, nebantfwana badle boyise. Ngitakushaya ngesijeziso, ngisakate yonkhe insali yakho emimoyeni.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 7:15

“Ngephandle yinkemba, ngekhatsi sifo lesibulalanako nendlala; labo labasemaphandleni bayakufa ngenkemba, nalabo labasedolobheni bayawudliwa yindlala nesifo lesibulalanako.

Levithikusi 26:26

Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”