2 Emakhosi 25:27 - Siswati 1996 Bible

²⁷ Ngemnyaka wema-37 wekudzingiswa kwaJehoyakhini, inkhosi yakaJuda, ngemnyaka lapho Evili Merodaki abekwa khona waba yinkhosi yaseBhabhulona, wakhulula Jehoyakhini ejele, mhla tingema-27, enyangeni yeli-12.

2 Emakhosi 25:27 ပူးပေါင်းရင်းမြစ်များ

Genesisi 40:20

Emvakwemalanga lamatsatfu, Faro wagubha lusuku lwakhe lwekutalwa. Wenta lidzili, wentela tonkhe tisebenti takhe. Umphatsi wetitja kanye nempheki lomkhulu wetinkhwa wabakhipha ejele; babasemkhatsini wetisebenti nabo.

2 Emakhosi 24:12

Jehoyakhini, inkhosi yakaJuda, nenina, netinceku takhe, netikhulu takhe, kanye netindvuna takhe bavele baphakamisa tandla bashweleta kuye. Ngemnyaka wesiphohlongo wekubusa kwenkhosi yaseBhabhulona, lenkhosi yatfumba Jehoyakhini, waba siboshwa.

Genesisi 40:13

Emvakwemalanga lamatsatfu Faro utakukhulula ejele, akubuyisele emsebentini wakho. Utawuphindze ube ngumphatsi weliwayini laFaro njengobe wawuvele unguye.

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

2 Emakhosi 24:15

Nebukhadnezari watfumba Jehoyakhini, wahamba naye waya eBhabhulona. Labanye labatfumba lapha eJerusalema bekungunina wenkhosi Jehoyakhini, nemakhosikati aJehoyakhini, netindvuna takhe kanye nemadvodza lamcoka elive.

Jeremiya 28:4

Ngitawubuyisa futsi kulendzawo naJehoyakhini, umsa waJehoyakimu, inkhosi yakaJuda, nabo bonkhe labatfunjwa kaJuda bayiswa eBhabhulona, ngobe ngitakulephula lijoko lenkhosi yaseBhabhulona,’ kusho Simakadze.”

Jeremiya 38:17

Ngako Jeremiya wakhuluma kuSedekiya, watsi: “Naku lokushiwo nguSimakadze Nkulunkulu longuSomandla, Nkulunkulu wema-Israyeli, utsi: ‘Nawuphakamisa tandla kuto tiphatsimandla tenkhosi yaseBhabhulona, utitfobe, imphilo yakho iyawuphepha, nalelidolobha lingeke lishiswe; wena nemndeni wakho niyawuphila.

Jeremiya 22:26

Wena nenyoko lowakutala ngitanikhukhulela kulelinye live, lapho ningatalelwanga khona nobabili, ngulapho niyawufela khona.