2 Emakhosi 25:21 - Siswati 1996 Bible

²¹ Lapha eRibla, eveni laseHamathi, inkhosi yafike yababulalela khona. Ngako-ke sive sakaJuda satfunjelwa khashane nelive laso.

2 Emakhosi 25:21 ပူးပေါင်းရင်းမြစ်များ

2 Emakhosi 23:27

Ngako Simakadze wakhuluma, watsi: “Juda ngitamsusa ebukhoneni bami, njengobe ngamsusa na-Israyeli; neJerusalema, lidolobha lengalikhetsa, ngitalisusa, ngisho nalo lithempeli imbala lengase ngakhuluma ngalo ngatsi: Libito lami liyawuhlala lapho.”

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.

Amose 5:27

ngitanenta nitfunjelwe ngesheya kweDamaseko,” usho njalo-ke Simakadze, lolibito lakhe linguNkulunkulu longuSomandla.

Hezekeli 24:14

“ ‘Mine Simakadze sengikhulumile. Sikhatsi sami sesifikile sekutsi ngikwente. Ngingeke ngisatibamba; ngingeke ngisaba nesihawu, futsi nenhlitiyo yami ingeke isabohla. Uyakwehlulelwa ngangekutiphatsa kwakho nangekwetento takho, kusho iNkhosi Simakadze.’ ”

2 Emakhosi 17:20

Ngako-ke Simakadze wase uyatala tonkhe tive tema-Israyeli, watihlupha, watinikela etandleni tebatfumbi bato, waze waticosha ebukhoneni bakhe.

Dutheronomi 28:36

“Simakadze uyawunicosha kanye nenkhosi yenu lenitibekele yona, niye esiveni leningasati nine kanye naboyihlomkhulu. Ngulapho niyawufike nikhonte labanye bonkulunkulu khona, bonkulunkulu labentiwe ngetigodvo nangematje.

Dutheronomi 4:26

Ngibita lizulu nemhlaba kutsi kungifakazele lamuhla kutsi naningangilaleli, niyawunyamalala masinyane emhlabeni. Ningeke nikhonse kulelo live lelingesheya kwemfula iJordane lenewelela kuyawulidla. Niyawubhujiswa niphele.

1 Emakhosi 8:46

“Nangabe bona kuwe, ngobe kute longoni, wena bese uyabatfukutselela, ubanikele etitseni tabo letiyawubatsatsa tibatfumbele eveni lato lelikhashane nome lelisedvute,

Jeremiya 52:27

Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.

Dutheronomi 29:27

Ngako-ke, lulaka lwaSimakadze lwavutsela lelive labo kamatima, lase lehlelwa ngito tonkhe leticalekiso letibhalwe kulencwadzi.

2 Emakhosi 17:23

waze wabesusa Simakadze ebukhoneni bakhe, njengobe abevele abecwayisile ngato tonkhe tinceku takhe baphrofethi. Ngako-ke bantfu baka-Israyeli batsatfwa emitini yabo naseveni labo, bayiswa ekutfunjweni e-Asiriya; basesekhona lapho nalamhlanje.

2 Emakhosi 24:15

Nebukhadnezari watfumba Jehoyakhini, wahamba naye waya eBhabhulona. Labanye labatfumba lapha eJerusalema bekungunina wenkhosi Jehoyakhini, nemakhosikati aJehoyakhini, netindvuna takhe kanye nemadvodza lamcoka elive.

Jeremiya 16:13

Ngako-ke ngitanikhipha kulelive, nginiyise eveni leningazange senilati, nine kanye naboyihlo; lapho-ke niyawufike nikhonte labanye bonkulunkulu busuku nemini, ngobe angisayikuniphatsa ngesihe.’ ”

Sililo 4:16

Simakadze cobo lwakhe ubasakatile, akasabelusi. Baphristi abasahlonishwa, nalabadzala abasaphatfwa ngemusa.