2 Emakhosi 25:1 - Siswati 1996 Bible

¹ Kwatsi ngemnyaka wemfica wekubusa kwenkhosi Sedekiya ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca nemabutfo akhe onkhe, wahlasela iJerusalema. Bemisa ngephandle kwelidolobha, bakha tivimbetelo letalitungeleta lonkhe.

2 Emakhosi 25:1 ပူးပေါင်းရင်းမြစ်များ

2 Emakhosi 24:1

Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.

2 Emakhosi 24:10

Ngaleso sikhatsi tindvuna taNebukhadnezari, inkhosi yaseBhabhulona, tahlasela iJerusalema tayivimbetela,

2 Emakhosi 25:2

Lelidolobha lahlala livinjetelwe, kwaze kwaba ngumnyaka weli-11 wekubusa kwenkhosi Sedekiya.

2 Emakhosi 25:8

Ngelilanga lesikhombisa enyangeni yesihlanu, emnyakeni weli-19 wekubusa kwaNebukhadnezari, inkhosi yaseBhabhulona, Nebuzaradani, indvuna yabomahlalesangweni benkhosi, siphatsimandla senkhosi yaseBhabhulona, weta eJerusalema.

1 Tikhronike 6:15

Jesadaki watfunjwa ngesikhatsi Simakadze avumela kutfunjwa kwebakaJuda nebaseJerusalema nguNebukhadnezari.

2 Tikhronike 36:11

Sedekiya abeneminyaka lengema-21 budzala, nakabekwa kuba yinkhosi. Wabusela eJerusalema iminyaka leli-11.

Isaya 29:3

Ngiyawumisa emabutfo ami akutungelete. Ngiyawukutungeleta ngemibhoshongo, ngimise tindvonga tekukuvimbetela.

Jeremiya 21:2

“Ase usibutele nyalo kuSimakadze, ngobe naku Nebukhadnezari, inkhosi yaseBhabhulona, sewuyasihlasela. Mhlawumbe Simakadze utawusentela timanga njengasetikhatsini takadzeni, khona Nebukhadnezari atawusiyekela.”

Jeremiya 27:8

“ ‘ “Noko nome ngabe ngusiphi sive nome-ke ngumuphi umbuso longayiwukhonta Nebukhadnezari, inkhosi yaseBhabhulona, ungagobisi inhloko yawo ejokweni lakhe, ngiyawusijezisa leso sive ngenkemba, nangendlala, nangesifo lesibulalanako, ngize ngisibhubhise ngesandla sakhe, kusho Simakadze.

Jeremiya 32:1

Leli livi lelefika kuJeremiya liphuma kuSimakadze emnyakeni welishumi wekubusa kwaSedekiya, inkhosi yakaJuda, lekwakungumnyaka weli-18 wekubusa kwaNebukhadnezari.

Jeremiya 32:2

Imphi yenkhosi yaseBhabhulona yase ivimbetele iJerusalema, Jeremiya umphrofethi abevalelwe esibuyeni sabogadzi, esigodlweni senkhosi yakaJuda.

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

Jeremiya 32:28

Ngako-ke naku lokushiwo nguSimakadze, utsi: Lelidolobha sengitalinikela etandleni temaBhabhulona nakuNebukhadnezari, inkhosi yaseBhabhulona, labatalitfumba.

Jeremiya 4:17

Akaka wena Jerusalema, njengemadvodza lagadze insimi, ngobe ungihlubukile,’ ” kusho Simakadze.

Jeremiya 43:10

Ubobe sewukhuluma kuwo utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Ngitawutfumela inceku yami Nebukhadnezari, inkhosi yaseBhabhulona, ngiyawumisa sihlalo sakhe sebukhosi etikwalamatje lengiwagcibedzele lapha. Uyakwendlala umpheme wakhe webukhosi etikwawo.

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Jeremiya 51:34

“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.

Jeremiya 52:1

Sedekiya abeneminyaka lengema-21 budzala nakabekwa kuba yinkhosi, wabusela eJerusalema iminyaka leli-11. Libito lenina bekunguHamutali, indvodzakati yaJeremiya, waseLibna.

Jeremiya 6:3

Iyawusukelwa belusi kanye nemihlambi yabo balwe nayo, bayawumisa emathende abo bayitungelete, ngulowo nalowo anakekele indzima yakakhe.”

Hezekeli 21:14

“Ngako phrofetha, ndvodzana yemuntfu, ugcizelele ngekushaya tandla. Inkemba ayigadle kabili nakatsatfu. Yinkemba yekugwaza, yinkemba yekugwaza lokukhulu, lebavimbetela ndzawo tonkhe.

Hezekeli 26:7

“Ngobe naku lokushiwo yiNkhosi Simakadze, itsi: Ngiyawuvusela iThire Nebukhadnezari, inkhosi yaseBhabhulona, avela ngasenyakatfo ayinkhosi yemakhosi lenemahhashi, netincola temphi, nebagibeli bemahhashi, nemphi lenkhulu.

Hezekeli 40:1

Kwatsi ngemnyaka wema-25 sitfunjiwe, ekucaleni nje kwemnyaka, tilishumi enyangeni, ngemnyaka weli-14 emvakwekuwa kweJerusalema, ngalona lelo langa nje sandla saSimakadze sasisetikwami, wangitsatsa wangiyisa khona.

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

Dutheronomi 28:52

Tiyawuvimbetela onkhe emadolobha lasaseveni lenu, kuze kuwe naletibondza letindze lenetsembele kuto. Tiyawuvimbetela onkhe emadolobha laseveni lenu Simakadze Nkulunkulu lanipha lona.