2 Emakhosi 24:7 - Siswati 1996 Bible

⁷ Inkhosi yaseGibhithe nemabutfo ayo ayizange iphindze ivive iyewuhlasela ngephandle kwelive layo, ngobe phela inkhosi yaseBhabhulona yase ilitsetse lonkhe live layo, kusukela emfudlaneni waseGibhithe kuze kufike emfuleni iYufrathe.

2 Emakhosi 24:7 ပူးပေါင်းရင်းမြစ်များ

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Jeremiya 46:2

Macondzana neGibhithe: Lona ngumlayeto macondzana nemphi yaFaro Nekho, inkhosi yaseGibhithe, leyehlulwa eKhakhemishi ngasemfuleni iYufrathe, yehlulwa nguNebukhadnezari, inkhosi yaseBhabhulona, ngemnyaka wesine wekubusa kwaJehoyakimu, umsa waJosaya, inkhosi yakaJuda, utsi:

Jeremiya 46:6

“Labanematubane bangeke bakhone kubaleka, nalabanemandla bangeke baphunyule. Bayakhubatela bawe, enyakatfo, ngasemfuleni iYufrathe.

Hezekeli 30:21

“Ndvodzana yemuntfu, ngiwephulile umkhono waFaro, inkhosi yaseGibhithe. Bewungakaboshelwa kutsi uphiliswe, futsi ungakasinyiswa nangetindvuku kuze ucine ngalokwenele kutsi ubambe inkemba.

Hezekeli 30:22

Ngako-ke naku lokushiwo yiNkhosi Simakadze, itsi: Ngimelene naFaro, inkhosi yaseGibhithe. Ngiyakuyephula yomibili imikhono yakhe, wona lona losengakephuki kanye nalona losewephukile, ngidzilite inkemba esandleni sakhe.

Numeri 34:5

lapho utawufike ujike khona, ucondze emfudlaneni waseGibhithe uhambelane nawo ugcine eLwandle.

Joshuwa 15:4

Wawendlula ucondze e-Asmoni, uhlangane neMfudlana waseGibhithe, ugcine elwandle. Kwaba ngulowo-ke umnyele wabo wangaseningizimu.