2 Emakhosi 24:2 - Siswati 1996 Bible

² Simakadze wamtfumelela emaBhabhulona, nemaSiriya, nemaMowabi, nema-Amoni kutsi atemhlasela. Wabatfumela kutsi batewubhubhisa Juda, ngekulandzela livi laSimakadze lalikhuluma ngetinceku takhe baphrofethi.

2 Emakhosi 24:2 ပူးပေါင်းရင်းမြစ်များ

2 Emakhosi 20:17

‘Sikhatsi sitawufika ngempela, lapho konkhe lokusesigodlweni sakho, nako konkhe loko lokwalondvolotwa boyihlomkhulu kusukela kadzenidzeni kuze kube ngulamuhla, kutakwetfwalwa kuyiswe eBhabhulona. Kute nakunye lokuyawusala, kusho Simakadze.

2 Emakhosi 22:16

‘Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, kuye njengobe kubhaliwe kulencwadzi lefundvwe yinkhosi yakaJuda.

2 Emakhosi 23:27

Ngako Simakadze wakhuluma, watsi: “Juda ngitamsusa ebukhoneni bami, njengobe ngamsusa na-Israyeli; neJerusalema, lidolobha lengalikhetsa, ngitalisusa, ngisho nalo lithempeli imbala lengase ngakhuluma ngalo ngatsi: Libito lami liyawuhlala lapho.”

2 Emakhosi 6:23

Ngako inkhosi yabalungiselela lelikhulu lidzili, yabapha, batsi nasebadle bacedza, banatsa, wase uyabakhulula, babuyela enkhosini yabo eSiriya. Kusukela ngalelo langa emaSiriya agcina atsi mfo, kuhlasela live lema-Israyeli.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Jobe 1:17

Satsi sisakhuluma leso sigijimi, kwefika lesinye, satsi: “EmaKhaledi ente ticheme letintsatfu awatfumba onkhe emakamela akho ahamba nawo. Abulele tonkhe tinceku takho ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Isaya 13:5

Baphuma emaveni lakhashane, lasekugcineni kwemazulu, nguye Simakadze netikhali telulaka lwakhe, utewubhubhisa wonkhe umhlaba.

Isaya 28:19

Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Isaya 7:17

Simakadze uyawuletsa kuwe nasetikwesive sakini, nasetikwendlu yeyihlo, sikhatsi lesingazange sesibe khona kusukela baka-Efrayimu bahlephuka kubakaJuda; uyawuletsa inkhosi yase-Asiriya.”

Jeremiya 12:9

Lifa lami alifanani yini kimi nenyoni yekuhlasela lengemabhadvubhadvu letungeletwa nguletinye tinyoni tekuhlasela? Hambani niyewubutsa tonkhe tilwane tesiganga, nitiletse titewudla.

Jeremiya 25:1

Livi lefika kuJeremiya macondzana nabo bonkhe bantfu bakaJuda emnyakeni wesine wekubusa kwaJehoyakimu, umsa waJosaya, inkhosi yakaJuda, lekwakungumnyaka wekucala wekubusa kwaNebukhadnezari, inkhosi yaseBhabhulona.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 26:20

Manje-ke, bekukhona na-Uriya, umsa waShemaya, waseKhiriyathi Jeyarimu, abengulomunye webantfu labaphrofetha egameni laSimakadze; waphrofetha ngalelidolobha nangalelive njengawo onkhe lamavi aJeremiya.

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 32:28

Ngako-ke naku lokushiwo nguSimakadze, utsi: Lelidolobha sengitalinikela etandleni temaBhabhulona nakuNebukhadnezari, inkhosi yaseBhabhulona, labatalitfumba.

Jeremiya 35:11

Kodvwa kwatsi Nebukhadnezari, inkhosi yaseBhabhulona, navimbetela lelive, satsi: ‘Wotani, kufanele sihambe siye eJerusalema sitewubalekela emabutfo emaBhabhulona newema-Aramu.’ Nguko nje silapha eJerusalema.”

Jeremiya 52:28

Leli-ke linani lebantfu labatfunjwa nguNebukhadnezari wabayisa ekudzingisweni: Ngemnyaka wesikhombisa kwaba ngemaJuda lati-3 023;

Sililo 1:17

ISiyoni yelula tandla tayo, kodvwa kute namunye longayidvudvuta. Simakadze ushaye umtsetfo ngaJakobe kutsi bomakhelwane bakhe babe titsa takhe. IJerusalema seyigucuke yaba yintfo lesinengiso emkhatsini wabo.

Hezekeli 19:8

Tive tase tiyalihlasela, leto letisemaveni lakhelene nalo. Taletsiya ngekwendlala lugibe lwato, lavele labhajwa emgodzini wato.

Hezekeli 23:23

emaBhabhulona nawo onkhe emaKhaledi, emadvodza asePhekodi, newaseShowa, newaseKhowa kanye nawo onkhe ema-Asiriya lanawo, emajaha lamahle, onkhe lababusi netindvuna temphi, netindvuna tetincola temphi kanye nemadvodza laphakeme, bonkhe bagibele emahhashi.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.