2 Emakhosi 24:1 - Siswati 1996 Bible

¹ Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.

2 Emakhosi 24:1 ပူးပေါင်းရင်းမြစ်များ

2 Emakhosi 17:5

Inkhosi yase-Asiriya yahlasela lonkhe live, yavimbetela iSamariya, kwaze kwaba ngiminyaka lemitsatfu.

2 Emakhosi 24:20

Kwabangelwa yintfukutselo yaSimakadze lokutsi loku kwenteke eJerusalema nakaJuda, kwaze kwatsi ekugcineni wabesusa ebukhoneni bakhe. Sedekiya wase uyayivukela inkhosi yaseBhabhulona.

2 Tikhronike 36:1

Sive sakaJuda satsatsa Jehoyahazi, umsa waJosaya, sambeka waba yinkhosi yaseJerusalema esikhundleni seyise.

Ezra 4:12

“Inkhosi kufanele yati kutsi lamaJuda lafike lapha, esuka lapho kuwe asaye eJerusalema kuyewulakha kabusha lelidolobha lelibi nalelihlubukako. Balwakha kabusha lubondza, kantsi nesisekelo bayasivusetela.

Isaya 36:5

Utsi unemasu nemabutfo emphi lanemandla, kodvwa ukhuluma lite nje. Ngubani lona lowetsembele kuye, lokwenta kutsi ngaye ungivukele?

Jeremiya 25:1

Livi lefika kuJeremiya macondzana nabo bonkhe bantfu bakaJuda emnyakeni wesine wekubusa kwaJehoyakimu, umsa waJosaya, inkhosi yakaJuda, lekwakungumnyaka wekucala wekubusa kwaNebukhadnezari, inkhosi yaseBhabhulona.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 35:1

Leli livi leleta kuJeremiya liphuma kuSimakadze ngesikhatsi kusabusa Jehoyakimu, umsa waJosaya, inkhosi yakaJuda, litsi:

Jeremiya 35:11

Kodvwa kwatsi Nebukhadnezari, inkhosi yaseBhabhulona, navimbetela lelive, satsi: ‘Wotani, kufanele sihambe siye eJerusalema sitewubalekela emabutfo emaBhabhulona newema-Aramu.’ Nguko nje silapha eJerusalema.”

Jeremiya 36:1

Ngemnyaka wesine waJehoyakimu, umsa waJosaya, inkhosi yakaJuda, kwefika nali livi kuJeremiya livela kuSimakadze, litsi:

Jeremiya 45:1

Naku Jeremiya, umphrofethi, lakutjela Bharuki, umsa waNeriya, ngemnyaka wesine wekubusa kwaJehoyakimu, umsa waJosaya, inkhosi yakaJuda, emvakwekutsi Bharuki asabhale encwadzini legocotwako emavi Jeremiya labemtjele wona, watsi:

Jeremiya 46:2

Macondzana neGibhithe: Lona ngumlayeto macondzana nemphi yaFaro Nekho, inkhosi yaseGibhithe, leyehlulwa eKhakhemishi ngasemfuleni iYufrathe, yehlulwa nguNebukhadnezari, inkhosi yaseBhabhulona, ngemnyaka wesine wekubusa kwaJehoyakimu, umsa waJosaya, inkhosi yakaJuda, utsi:

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Hezekeli 19:8

Tive tase tiyalihlasela, leto letisemaveni lakhelene nalo. Taletsiya ngekwendlala lugibe lwato, lavele labhajwa emgodzini wato.

Hezekeli 21:14

“Ngako phrofetha, ndvodzana yemuntfu, ugcizelele ngekushaya tandla. Inkemba ayigadle kabili nakatsatfu. Yinkemba yekugwaza, yinkemba yekugwaza lokukhulu, lebavimbetela ndzawo tonkhe.

Danyela 1:1

Ngemnyaka wesitsatfu wekubusa kwaJehoyakimu, inkhosi yakaJuda, Nebukhadnezari, inkhosi yaseBhabhulona, wefika eJerusalema wayivimbetela.

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.