2 Emakhosi 23:2 - Siswati 1996 Bible

² Wenyuka nabo waya ethempelini laSimakadze akanye nalamadvodza akaJuda, nebantfu bonkhe baseJerusalema, nebaphristi nebaphrofethi, ngisho nabo bonkhe bantfu kusukela kulomncane kuze kuyewufika kulomkhulu. Wabafundzela, baweva onkhe emavi encwadzi yesivumelwane, leyayitfolakele ethempelini laSimakadze.

2 Emakhosi 23:2 ပူးပေါင်းရင်းမြစ်များ

Genesisi 19:11

Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

1 Emakhosi 8:9

Kute lokwakukhona ngekhatsi kwalelibhokisi lesivumelwane ngaphandle kwetibhelekeca letimbili tematje letatifakwe nguMosi kulo ngesikhatsi baseseHorebe, lapho Simakadze enta khona sivumelwane nesive sema-Israyeli emvakwekuphuma kwawo eveni laseGibhithe.

2 Emakhosi 22:8

Hilkiya, umPhristi Lomkhulu, wakhuluma kumabhalane Shafani, watsi: “Ngiyitfolile incwadzi yemtsetfo ekhatsi ethempelini laSimakadze.” Wase uyinika Shafani, kutsi ayifundze.

2 Tikhronike 15:13

Bonkhe labo bebangafuni kufuna Simakadze, Nkulunkulu wema-Israyeli, bebatakubulawa, labancane nalabakhulu, emadvodza nebafati.

2 Tikhronike 17:9

Babehamba baphetse incwadzi yemtsetfo waSimakadze, bawufundzisa kulo lonkhe lakaJuda; bawangenela onkhe emadolobha akaJuda bafundzisa bantfu.

Nehemiya 13:1

Ngalelo langa kwafundvwa iNcwadzi yaMosi, ifundvwa ngelivi leliphakeme kakhulu ifundzelwa sive, lapho kwatfolakala kubhaliwe kutsi kute um-Amoni nome um-Mowabi lekufanele angeniswe emhlanganweni waNkulunkulu,

Nehemiya 9:3

Bema lapho babekhona khona, bafundza incwadzi yemtsetfo waSimakadze Nkulunkulu wabo sikhatsi lesaba yincenye yesine yelilanga, kwatsi ngalenye incenye yelilanga bavuma tono tabo, bakhonta Simakadze Nkulunkulu wabo.

Esta 1:5

Kwatsi ekupheleni kwaleso sikhatsi inkhosi yenta lidzili lelatsatsa liviki ngekhatsi esihoncweni sasesigodlweni senkhosi. Lelidzili lalentelwe bonkhe bantfu labakhulu nalabancane labebasesihoncweni saseSusa.

Jobe 3:19

Labancane nalabakhulu bakhona lapho, bafanana bonkhe, nesigcili sikhululekile kumphatsi waso.

Tihlabelelo 115:13

Utababusisa bonkhe labamesabako Simakadze, labancane nalabakhulu.

Jeremiya 34:8

Livi laSimakadze lefika kuJeremiya emvakwekutsi inkhosi Sedekiya seyente sivumelwane nabo bonkhe bantfu baseJerusalema kutewumemetela inkhululeko yetigcili.

Imisebenti yebaPhostoli 26:22

Kodvwa kuze kube ngulamuhla Nkulunkulu usangisitile. Ngako-ke namanje lo ngime la ngifakaza kubo bonkhe bantfu, labancane nalabakhulu, hhayi lokunye, kodvwa kona loko lokwashiwo baphrofethi naMosi kutsi kuyakwenteka,

Dutheronomi 31:26

“Tsatsani leNcwadzi yeMtsetfo niyibeke eceleni kwelibhokisi lesivumelwane saSimakadze Nkulunkulu wenu, iyawuhlala lapho ibe ngufakazi lonilahlako.

Sembulo 20:12

Ngabona labafile, labakhulu nalabancane, beme embikwaso lesihlalo sebukhosi. Tincwadzi tavulwa. Nalenye incwadzi yavulwa, incwadzi yekuphila. Labafile behlulelwa ngekwemisebenti yabo, ngaloko lokwakubhalwe etincwadzini.

1 Samuweli 30:2

atfumba bafati kanye nabo bonkhe lababekuyo, labadzala nalabancane. Abengazange abulala ngisho namunye wabo, kodvwa abatfumba abaleka nabo.

1 Samuweli 5:9

Kodvwa atsi kube alisuse, sandla saSimakadze salivukela lelo dolobha, langenelwa kutfutfumela lokukhulu. Bantfu balo, labadzala nalabancane, bashaywa ngekubhedvuka kwematfumba.