2 Emakhosi 23:14 - Siswati 1996 Bible

¹⁴ Josaya waphahlata ematje lekwakutsiwa angcwele, wagumula tinsika ta-Ashera, wasakata ematsambo ebantfu kuleto tindzawo.

2 Emakhosi 23:14 ပူးပေါင်းရင်းမြစ်များ

2 Emakhosi 18:4

Wadzilita tindzawo letiphakeme tekukhontela tithico, wabhidlita tithicomatje, wagawula tinsika tabo-Ashera, waphahlata inyoka yelitfusi leyayakhiwe nguMosi, ngobe kwaze kwaba ngungaleso sikhatsi solomane ema-Israyeli atfuncisa imphepho kuyo, kwakutsiwa nguNehushtani libito layo.

2 Emakhosi 23:16

Josaya wacalata, watsi kube abone emadliza labeseceleni lentsaba, wabutsa lamatsambo lakuwo wawashisela elatini kutawulingcolisa, kwaya ngekwelivi laSimakadze lalikhuluma ngemuntfu waNkulunkulu lowakhuluma kucala ngato letintfo tisengakenteki.

Eksodusi 23:24

Ningabakhotsameli bonkulunkulu babo, ningabakhonti, ningayenti nemikhuba yabo yekukhonta. Bonkulunkulu babo nibobabhidlita kanye netinsika tabo tematje.

Eksodusi 34:13

Emalati abo nibowabhidlita, nephule tinsika tawo tematje, nibhidlite konkhe kwalo-Ashera longunkulunkulukati wabo.

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Isaya 44:19

Kute loke eme, acabangisise. Kute namunye lonelwati; kute nalonekucondza lotsi: “Incenye yalolukhuni ngiyibasile, ngidzimate ngapheka nesinkhwa kulamalahle alo, ngose inyama, ngayidla. Pho, ngingayenta yini intfo lesinengiso ngalolukhuni lolusele? Ngingasikhotsamela yini lesizemuzemu selugodvo?”

Hezekeli 6:5

Ngitakwendlala tidvumbu tebantfu baka-Israyeli embikwetithico tabo, ngisakate ematsambo enu atungelete lamalati enu.

Mikha 1:7

Tonkhe tithico talo letiligugu ngiyakutifohlota tibe ticucu, nako konkhe lokunikwe tingwadla telithempeli kubhujiswe ngemlilo, bese kutsi tonkhe tithico letibatiwe kube libibi lesiganga. Konkhe loku iSamariya ikucokelele ngemali leyitfole ngebugwadla bayo ethempelini, ngako titsa tayo titakwetfwala tikuyise lapho kuyawubhadala bugwadla khona.”

Numeri 19:16

“Nangabe umuntfu utsite asebaleni watsintsa sidvumbu semuntfu lofe ngekugwazwa, nome lofe ngesifo lesetayelekile, nome lotsintsa litsambo laso, nome lithuna, uyawuba ngulongcolile ngekwemtsetfo emalanga lasikhombisa.

Numeri 19:18

Kuyawutsi umuntfu lohlantekile ngekwemtsetfo atsatse ihisophu ayenye kulamanti, bese ufafata lelithende nako konkhe lokusekhatsi kanye nalabantfu bebakhona lapho. Kufanele afafate bonkhe labake batsintsa litsambo lemufi, nome sidvumbu semuntfu lobulewe nome lotifele, nome-ke lithuna.

Numeri 33:52

niboticosha nitikhiphe tonkhe letive lenitatikhandza khona. Nibotibhubhisa tonkhe letitfombe tato, netithico tato letibatiwe kanye netindzawo tato letiphakeme tekukhontela.

Dutheronomi 7:5

Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.