2 Emakhosi 23:11 - Siswati 1996 Bible

¹¹ Titfombe temahhashi, emakhosi akaJuda labenikele ngato elangeni, watisusa emnyango welithempelini laSimakadze. Betibekwe ngekhatsi esibuyeni eceleni kwelikamelo lemphatsi lekwakutsiwa nguNathani Meleki. Josaya watishisa naletincola letatinikelwe elangeni.

2 Emakhosi 23:11 ပူးပေါင်းရင်းမြစ်များ

2 Emakhosi 23:5

Wabacitsa bonkhe baphristi bebumnyama lababekhetfwe ngemakhosi akaJuda kutsi batfuncise imphepho etindzaweni letiphakeme takaJuda kanye nasemaphetselweni aseJerusalema, labo bebatfuncisa imphepho kuBhali, naselangeni, nasenyangeni, nakuto tonkhe tinkhulungwane tetinkhanyeti.

1 Tikhronike 26:18

Esibuyeni lesingasenshonalanga bebabane emgwacweni, bese baba babili esibuyeni ngekhatsi.

2 Tikhronike 14:5

Wesusa tindzawo letiphakeme nemalati emphepho kuwo onkhe emadolobha akaJuda, nembuso waba nekuthula ngesikhatsi kusabusa yena.

2 Tikhronike 34:4

Ngekuyala kwakhe emalati aboBhali abhidlitwa, wagawula nalamalati ekutfuncisela timphepho labesetikwawo, wawajuba aba ticucu, wabhidlita naletinsika ta-Ashera, netithico, netitfombe. Loko wakubhidlita kwaba timvutfu, wakusakatela emadlizeni alabo labebahlabela kuwo imihlatjelo.

Jobe 31:26

nangabe nganaka lilanga ekukhanyeni kwalo nome inyeti ekuhambeni kwayo lokumangalisako,

Hezekeli 40:17

Lendvodza yase ingimikisa esibuyeni lesasingephandle. Nalapho ngafike ngabona emakamelo nesiyilo lesasakhiwe kuso sonkhe lesibuya kusitungeleta; kwakunemakamelo langema-30 kulesibuya, embikwawo kwakunelibala lelaliyilwe ngematje.

Hezekeli 8:16

Wase ungiyisa esibuyeni lesisekhatsi nekhatsi endlini yaSimakadze, lapho ekungeneni kwelithempeli, emkhatsini wemhubhe nelilati, kwakunemadvodza langema-25. Imihlane yawo ibheke ngasethempelini laSimakadze, buso bawo bubheke ngasemphumalanga, babekhotsamela lilanga ngasemphumalanga.

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.