2 Emakhosi 22:8 - Siswati 1996 Bible

⁸ Hilkiya, umPhristi Lomkhulu, wakhuluma kumabhalane Shafani, watsi: “Ngiyitfolile incwadzi yemtsetfo ekhatsi ethempelini laSimakadze.” Wase uyinika Shafani, kutsi ayifundze.

2 Emakhosi 22:8 ပူးပေါင်းရင်းမြစ်များ

2 Emakhosi 22:9

Shafani, mabhalane, waya enkhosini, wafike wabika watsi: “Tinceku takho setiyikhiphile lemali beyisethempelini laSimakadze, tivele tayibeka etandleni tetisebenti nebagcugcuteli.”

2 Emakhosi 23:2

Wenyuka nabo waya ethempelini laSimakadze akanye nalamadvodza akaJuda, nebantfu bonkhe baseJerusalema, nebaphristi nebaphrofethi, ngisho nabo bonkhe bantfu kusukela kulomncane kuze kuyewufika kulomkhulu. Wabafundzela, baweva onkhe emavi encwadzi yesivumelwane, leyayitfolakele ethempelini laSimakadze.

2 Emakhosi 23:24

Ngetulu kwaloko Josaya wabucitsa bonkhe bungoma, nemandzawe, netithico temindeni, netitfombe kanye nato tonkhe tintfo letisinengiso kaJuda naseJerusalema. Loko wakwentela kugcwalisa nekuhlangabetana naloko lokwakufunwa ngumtsetfo lowawubhalwe encwadzini leyatfolwa nguHilkiya, umphristi, ethempelini laSimakadze.