2 Emakhosi 22:2 - Siswati 1996 Bible

² Josaya wenta lokuhle emehlweni aSimakadze, wahamba ngato tonkhe tindlela teyise Davide, akazange aphambukele ngesekudla nome ngesancele.

2 Emakhosi 22:2 ပူးပေါင်းရင်းမြစ်များ

1 Emakhosi 11:38

Nawenta konkhe lengikuyale ngako, uhambe ngetindlela tami, wente lokuhle emehlweni ami ngekugcina timiso tami nemiyalo yami, njengaDavide, inceku yami, ngitawuba nawe. Ngiyawukwakhela luhlanga lwebukhosi loluyakuma njengalolwa lwaDavide, ngikunike sive sema-Israyeli.

1 Emakhosi 15:11

Inkhosi Asa yenta lokuhle emehlweni aSimakadze, njengobe kwakwenta khokho wakhe Davide.

1 Emakhosi 15:5

Ngobe Davide abenta lokuhle emehlweni aSimakadze, wangete waphambuka kuyo yonkhe imiyalo yaSimakadze emphilweni yakhe yonkhe, ngaphandle kwendzaba ya-Uriya labengumHethi.

1 Emakhosi 3:6

Solomoni waphendvula watsi: “Wentela inceku yakho, Davide babe wami, umusa lomkhulu, ngobe yena abetsembekile kuwe futsi alungile anenhlitiyo lecotfo. Wena uchubeke nawo lomusa wakho kuye, waze wamupha nendvodzana yakhe letawuhlala esihlalweni sakhe sebukhosi lamuhla nje.

2 Emakhosi 12:3

Noko tindzawo letiphakeme tekukhontela tithico tatingakesuswa; bantfu bachubeka nekwentela kuto imihlatjelo batfuncisa khona nemphepho.

2 Emakhosi 14:3

Wenta lokuhle emehlweni aSimakadze, kodvwa noko hhayi njengeyisemkhulu Davide. Kuko konkhe walandzela etinyatselweni teyise Jowashi.

2 Emakhosi 16:2

Ahazi abeneminyaka lengema-20 budzala, nakabekwa kuba yinkhosi. Wabusela eJerusalema iminyaka leli-16. Akazange ahambe etinyatselweni teyise Davide, wenta lokubi emehlweni aSimakadze Nkulunkulu wakhe.

2 Emakhosi 18:3

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Tikhronike 17:3

Simakadze abenaJehoshafati, ngobe abehamba etindleleni taDavide, uyise, labehamba kuto ebusheni bakhe. Akazange abute indlela kuboBhali,

2 Tikhronike 29:2

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Tikhronike 31:20

Nguloko-ke lokwentiwa nguHezekiya kulo lonkhe lakaJuda, wenta lokuhle, nalokulungile, nalokwetsembekile emehlweni aSimakadze longuNkulunkulu wakhe.

2 Tikhronike 34:1

Josaya abeneminyaka lesiphohlongo budzala, nakabekwa kuba yinkhosi. Wabusela eJerusalema iminyaka lengema-31.

Taga 20:11

Ngisho nemntfwana wembula similo sakhe ngendlela latiphetse ngayo; tento takhe tikhombisa kutsi similo sakhe sihle yini nome sibi.

Taga 4:27

Ungajikeli ngesekudla nome ngesancele, lunyawo lwakho ungalubeki ebubini.

Zefaniya 1:1

Livi laSimakadze lelefika kuZefaniya, umsa waKushi, umsa waGedaliya, umsa wa-Amariya, umsa waHezekiya, ngesikhatsi sekubusa kwaJosaya, umsa wa-Amoni, inkhosi yakaJuda, latsi:

Dutheronomi 5:32

“Ngako caphelani kwenta loko Simakadze Nkulunkulu wenu laniyale ngako kutsi nikwente; ningacali nijikele ngesekudla nome ngesancele.

Joshuwa 1:7

Intfo nje, wena cina kakhulu, ube nesibindzi. Caphela, uyilalele yonkhe imitsetfo lowayinikwa nguMosi, inceku yami. Ungaphambuki kuyo, ngesekudla nome ngesancele, khona-ke uyakuphumelela nome ngukuphi lapho uya khona.