2 Emakhosi 22:10 - Siswati 1996 Bible

¹⁰ Shafani, mabhalane, wayibikela inkhosi, watsi: “Hilkiya, umphristi, unginike incwadzi.” Shafani wase ufundzela inkhosi lencwadzi.

2 Emakhosi 22:10 ပူးပေါင်းရင်းမြစ်များ

2 Emakhosi 22:11

Inkhosi yatsi kube iweve lamavi alencwadzi yemtsetfo, yeklebhula tembatfo tayo.

2 Emakhosi 22:9

Shafani, mabhalane, waya enkhosini, wafike wabika watsi: “Tinceku takho setiyikhiphile lemali beyisethempelini laSimakadze, tivele tayibeka etandleni tetisebenti nebagcugcuteli.”

2 Tikhronike 34:18

Shafani, mabhalane, wayibikela inkhosi, watsi: “Hilkiya, umphristi, unginike incwadzi.” Shafani wase ufundzela inkhosi lencwadzi.

Nehemiya 13:1

Ngalelo langa kwafundvwa iNcwadzi yaMosi, ifundvwa ngelivi leliphakeme kakhulu ifundzelwa sive, lapho kwatfolakala kubhaliwe kutsi kute um-Amoni nome um-Mowabi lekufanele angeniswe emhlanganweni waNkulunkulu,

Nehemiya 8:18

Lilanga ngelilanga kusukela kulekucala kwaze kwaba kulekugcina, Ezra abebafundzela kulencwadzi yemtsetfo waNkulunkulu. Lomkhosi bawugubha emalanga lasikhombisa, kwatsi ngelilanga lesiphohlongo bahlangana ndzawonye, njengobe kwakusho lomtsetfo.

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 36:13

Kwatsi emvakwekube Mikhaya asabatjele konkhe labekuve ngaBharuki akufundzela bantfu kulencwadzi legocotwako,

Jeremiya 36:15

Batsi kuye: “Sicela uhlale lapha phansi, usifundzele yona natsi.” Ngako Bharuki wabafundzela yona.

Jeremiya 36:21

Inkhosi yatfumela Jehudi kutsi ayewulandza lencwadzi legocotwako. Jehudi wabuya nayo ekamelweni la-Elishama labengumabhalane, wayifundzela inkhosi kanye netiphatsimandla tayo tonkhe letatiyisingatsile.

Jeremiya 36:6

Ngako-ke uboya endlini yaSimakadze, mhlazana kuzilwe kudla, ufike ufundzele bantfu onkhe lamavi aSimakadze lowabhale kulencwadzi, njengobe uwatjeliwe. Wafundze embikwabo bonkhe bantfu bakaJuda labetile, baphuma emadolobheni abo.