2 Emakhosi 21:7 - Siswati 1996 Bible

⁷ Watsatsa insika ya-Ashera labeyentile wayibeka ethempelini, lelo Simakadze labekhulume ngalo kuDavide nakuSolomoni, umsa wakhe, watsi: “Kulelithempeli naseJerusalema lengiyikhetse emkhatsini wato tonkhe tive tema-Israyeli, ngitawubeka Libito lami kuyo phakadze naphakadze.

2 Emakhosi 21:7 ပူးပေါင်းရင်းမြစ်များ

2 Samuweli 7:13

Nguye-ke longuyena ayawungakhela indlu, ayakhele Libito lami, ngiyakumisa sihlalo sebukhosi bembuso wakhe phakadze naphakadze.

1 Emakhosi 8:29

Kwangatsi emehlo akho angavulekela kulelithempeli ebusuku nasemini, lendzawo lowasho ngayo watsi: ‘Libito lami liyawuba lapho,’ kuze uwuve umthandazo wenceku yakho leyiwuthandaza ibheke kulendzawo.

1 Emakhosi 8:44

“Nangabe sive sakho siphuma imphi siyekulwa netitsa taso, nome ngukuphi lapho usiyisa khona, bese sikhuleka kuSimakadze sibheke kulelidolobha lolikhetsile, nakulelithempeli lesengilakhile, ngalakhela Libito lakho,

1 Emakhosi 9:3

Simakadze wakhuluma kuye, watsi: “Ngiwuvile umthandazo wakho nekuncenga kwakho lokwente kimi; lelithempeli lolakhile sengilingcwelisile, ngekutsi ngibeke Libito lami lapho kulo phakadze naphakadze. Emehlo ami nenhlitiyo yami kuyawuhlala kulapho kulo ngaso sonkhe sikhatsi.

1 Emakhosi 9:7

Israyeli ngiyakumsusa eveni lengimnike lona, ngililahle nalelithempeli lengilingcwelisele Libito lami. Israyeli sewuyawuba siga nentfo yekuphukutwa, abe yinhlekisa kuto tonkhe tive.

2 Emakhosi 16:11

Ngako Uriya, umphristi, wase wakha lilati ngekulandzela yonkhe ipulani leyayitfunyelwe yinkhosi Ahazi iseseDamaseko; walakha walicedza, inkhosi Ahazi isengakabuyi.

2 Emakhosi 21:4

Wakha emalati ekhatsi ethempelini laSimakadze, Simakadze labekhulume ngalo watsi: “Libito lami ngiyakulibeka eJerusalema.”

2 Emakhosi 23:27

Ngako Simakadze wakhuluma, watsi: “Juda ngitamsusa ebukhoneni bami, njengobe ngamsusa na-Israyeli; neJerusalema, lidolobha lengalikhetsa, ngitalisusa, ngisho nalo lithempeli imbala lengase ngakhuluma ngalo ngatsi: Libito lami liyawuhlala lapho.”

2 Emakhosi 23:4

Inkhosi yatjela Hilkiya, umPhristi Lomkhulu, nebaphristi labebangaphansi kwakhe kanye nabomahlalesangweni kutsi bakhiphe ethempelini laSimakadze konkhe lokwakwentelwe Bhali na-Ashera, nako konkhe lokwakwentelwe tonkhe tinkhulungwane tetinkhanyeti. Wakushisela ngaphandle kweJerusalema etikhotseni letigudla iKhidroni, wase utsatsa lomlotsa uwumikisa eBetheli.

2 Emakhosi 23:6

Watsatsa insika ya-Ashera ethempelini laSimakadze, wayimikisa emfudlaneni iKhidroni ngephandle kweJerusalema, wayishisela khona. Wayisila, yaba yimphuphu, wabe sewuyisakata seyilutfuli etikwemadliza ebantfukatana.

2 Tikhronike 33:15

Watisusa tonkhe tithico tebetive, wesusa nalesitfombe labesibeke ethempelini laSimakadze, kanye nawo onkhe lamalati labesawakhe entsabeni yelithempeli naseJerusalema; konkhe wakulahlela ngaphandle kwelidolobha.

2 Tikhronike 33:7

Watsatsa lesithico labesasibatile wasingenisa ethempelini laNkulunkulu, lelo Nkulunkulu labekhulume ngalo kuDavide nakuSolomoni, umsa wakhe, watsi: “Kulelithempeli naseJerusalema lengiyikhetse emkhatsini wato tonkhe tive tema-Israyeli ngitawubeka Libito lami kuyo phakadze naphakadze.

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

2 Tikhronike 7:12

Simakadze wase uyatibonakalisa kuye ebusuku watsi: “Ngiwuvile umthandazo wakho, sengitikhetsele lendzawo kutsi kube ngulona thempeli lemihlatjelo.

2 Tikhronike 7:16

Lelithempeli ngilikhetsile ngalehlukanisela kutsi Libito lami sale lihlala lapha phakadze naphakadze. Emehlo ami nenhlitiyo yami sekuyawuhlala kulapho kulo ngaso sonkhe sikhatsi.

2 Tikhronike 7:20

ngiyawube sengiyamsiphula Israyeli ngimsuse eveni lami, lebengimuphe lona, ngililahle nalelithempeli lesengilehlukanisele Libito lami. Ngiyakulenta libe yinhlekisa nentfo yekwedzelelwa kuto tonkhe tive.

Nehemiya 1:9

kodvwa naniphendvuka nibuyela kimi, nigcine imiyalo yami niyente, nome ngabe labo labatfunjiwe benu bakhashane kangakanani, ngiyawubabutsa khona lapho ngibabuyisele kuyona lendzawo lengayikhetsela kutsi kuhlale khona Libito lami.’

Tihlabelelo 74:2

Khumbula libandla lakho lowatikhetsela lona kwasemandvulweni, walihlenga kutsi libe sive lesilifa lakho. Khumbula iNtsaba iSiyoni, lapho wawuhlala khona.

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Jeremiya 32:34

Bemisa tithico tabo letinengekako endlini leneLibito lami bayingcolisa.

Jeremiya 7:30

“ ‘Sive sakaJuda sente bubi emehlweni ami, kusho Simakadze. Bagcumeke tithico tabo letitinengiso endlini lebitwa ngeLibito lami, bayingcolisa.

Hezekeli 23:38

Baphindze bakwenta kimi loku: Ngasona leso sikhatsi bangcolisa indzawo yami lengcwele, bangete bawahlonipha nemaSabatha ami.

Dutheronomi 16:21

“Aniyikumisa ngisho nayinye insika ya-Ashera welugodvo eceleni kwelilati lenilakhele Simakadze Nkulunkulu wenu,