2 Emakhosi 21:24 - Siswati 1996 Bible

²⁴ Kodvwa sonkhe sive salelo live sabulala bonkhe labo bebente luzungu lwekubulala Amoni, inkhosi. Sabeka Josaya, umsa wakhe, kutsi abe yinkhosi esikhundleni sakhe.

2 Emakhosi 21:24 ပူးပေါင်းရင်းမြစ်များ

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

1 Emakhosi 12:1

Rehobowamu waya eShekhemu, lapho onkhe ema-Israyeli abebutsene khona ayekumbeka inkhosi.

1 Emakhosi 12:20

Sonkhe sive sema-Israyeli satsi kube sive kutsi Jerobowamu sewubuyile, satfumela kutsi akalandvwe ete emhlanganweni, sambeka inkhosi etikwawo onkhe ema-Israyeli. Kwasala sive sakaJuda kuphela, lesasala sinamatsele kaDavide.

2 Emakhosi 11:17

Jehoyada wase wenta sivumelwane emkhatsini waSimakadze nenkhosi nesive kutsi sebayawuba sive saSimakadze, wachubeka wenta sivumelwane emkhatsini webantfu nenkhosi.

2 Emakhosi 14:21

Bonkhe bantfu bakaJuda base batsatsa Uziya labeneminyaka leli-16 budzala, bambeka inkhosi esikhundleni seyise, Amasiya.

2 Emakhosi 14:5

Kwatsi ngesikhatsi umbuso wakhe nase ucinile esandleni sakhe, wase ubulala letindvuna letatisontse uyise labeyinkhosi.

2 Emakhosi 21:25

Leminye imininingwane ngekubusa kwa-Amoni, nako konkhe lakwenta, kubhaliwe encwadzini yemilandvo yemakhosi akaJuda.

2 Emakhosi 22:1

Josaya abeneminyaka lesiphohlongo budzala, nakabekwa kuba yinkhosi. Wabusela eJerusalema iminyaka lengema-31. Libito lenina bekunguJedida, indvodzakati ya-Adaya, waseBhoskhathi.

2 Tikhronike 22:1

Bantfu baseJerusalema babeka Ahaziya, litfunjana laJehoramu, waba yinkhosi esikhundleni seyise, njengobe phela bahlaseli lababehamba nema-Arabu, bangena enkambu babulala bonkhe bomnakabo labadzala. Ngako Ahaziya, umsa waJehoramu, inkhosi yakaJuda, wacala kubusa.

2 Tikhronike 26:1

Bonkhe bantfu bakaJuda base batsatsa Uziya labeneminyaka leli-16 budzala, bambeka inkhosi esikhundleni seyise, Amasiya.

2 Tikhronike 33:25

Kodvwa sonkhe sive salelo live sababulala bonkhe labo lababente luzungu lwekubulala Amoni, inkhosi; sabeka Josaya, umsa wakhe, kutsi abe yinkhosi esikhundleni sakhe.

Jeremiya 1:2

Livi laSimakadze lefika kuye emnyakeni weli-13 wekubusa kwaJosaya, umsa wa-Amoni, inkhosi yakaJuda;

1 Samuweli 11:15

Ngako sonkhe sive saya eGilgali, sayawucinisa khona kubekwa kwaSawula kutsi abe yinkhosi embikwaSimakadze. Ngulapho-ke lapho bafike benta imihlatjelo yekuthula embikwaSimakadze. Sawula naso sonkhe sive sema-Israyeli sajabula kakhulu ngalelo langa.