2 Emakhosi 21:11 - Siswati 1996 Bible

¹¹ “Manase, inkhosi yakaJuda, wente letono letisinengiso. Wente lokubi kakhulu kwendlula ema-Amori labekhona ngaphambi kwakhe, sewuze wahola bakaJuda wayawubafaka esonweni sekukhonta tithico.

2 Emakhosi 21:11 ပူးပေါင်းရင်းမြစ်များ

Genesisi 15:16

Lesitukulwane siyawuphindze sibuye lapha sesingesesine, ngobe bubi ba-Amori abukapheli.”

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

1 Emakhosi 15:30

ngenca yetono letatentiwe nguJerobowamu, waze wafaka nabo bonkhe baka-Israyeli, nangenca yekutsi wamcansula Simakadze Nkulunkulu wema-Israyeli, wamtfukutselisa.

1 Emakhosi 16:19

ngenca yetono takhe labetentile, wenta lokubi emehlweni aSimakadze wahamba etinyatselweni taJerobowamu nasetonweni takhe labedvonsele ngato sive saka-Israyeli ekoneni.

1 Emakhosi 21:26

Watiphatsa ngemanyala lamakhulu ngekutsi alandzelane nekukhonta tithico njengema-Amori, Simakadze lawakhukhula, ngesikhatsi nakufika ema-Israyeli.

2 Emakhosi 16:3

Wahamba etinyatselweni temakhosi aka-Israyeli, yena-ke wadzimate wanikela nangendvodzana yakhe kutsi ishiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Emakhosi 21:10

Simakadze wakhuluma ngetinceku takhe, baphrofethi, watsi:

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

2 Emakhosi 21:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Emakhosi 21:20

Amoni wenta lokubi emehlweni aSimakadze, walingisa uyise Manase.

2 Emakhosi 21:21

Wahamba kuto tonkhe tindlela teyise; wakhonta wakhotsamela letithico, njengobe kwenta uyise.

2 Emakhosi 21:9

Kodvwa bantfu abazange balalele. Manase wabedukisa, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

2 Emakhosi 23:24

Ngetulu kwaloko Josaya wabucitsa bonkhe bungoma, nemandzawe, netithico temindeni, netitfombe kanye nato tonkhe tintfo letisinengiso kaJuda naseJerusalema. Loko wakwentela kugcwalisa nekuhlangabetana naloko lokwakufunwa ngumtsetfo lowawubhalwe encwadzini leyatfolwa nguHilkiya, umphristi, ethempelini laSimakadze.

1 Tikhronike 1:14

nemaJebhusi, nema-Amori, nemaGirigashi,

Jeremiya 15:4

Ngiyakubenta benyanyeke kuyo yonkhe imibuso yemhlaba ngenca yaloko lokwentiwa eJerusalema nguManase, umsa waHezekiya, inkhosi yakaJuda.

Hezekeli 16:3

utsi: ‘Naku lokushiwo yiNkhosi Simakadze, kuwe Jerusalema, itsi: Inkhaba yakho nekutalwa kwakho kwakuseveni lemaKhenani; uyihlo abengum-Amori, unyoko angumHethi.

Hezekeli 16:45

Uyindvodzakati sibili ufute unyoko, labeyedzelela indvodza yakhe nebantfwabakhe, futsi wena vele wafuta bodzadzewenu wangete wabashiya, lababengawahloniphi emadvodza abo nebantfwababo. Unyoko abengumHethi, uyihlo angum-Amori.

Hezekeli 18:12

Ucindzetela labamphofu nalabeswele, adlelele bantfu. Akasibuyiseli sibambiso. Ubuka tithico. Wenta tintfo letisinengiso.

Hezekeli 5:6

Noko ngebubi bayo iyihlubukile imitsetfo yami netimiso tami, kwendlula tive nemave layitungeletile. Iyilahlile imitsetfo yami, yangete yatilandzela netimiso tami.