2 Emakhosi 20:17 - Siswati 1996 Bible

¹⁷ ‘Sikhatsi sitawufika ngempela, lapho konkhe lokusesigodlweni sakho, nako konkhe loko lokwalondvolotwa boyihlomkhulu kusukela kadzenidzeni kuze kube ngulamuhla, kutakwetfwalwa kuyiswe eBhabhulona. Kute nakunye lokuyawusala, kusho Simakadze.

2 Emakhosi 20:17 ပူးပေါင်းရင်းမြစ်များ

2 Emakhosi 24:13

Njengobe Simakadze abeshito, Nebukhadnezari watsatsa yonkhe ingcebo, wayisusa ethempelini laSimakadze nasesigodlweni senkhosi, watitsatsa tonkhe leto timphahla tegolide letatentiwe nguSolomoni, inkhosi yaka-Israyeli, latentela lithempeli laSimakadze.

2 Tikhronike 36:10

Kwatsi entfwasahlobo, inkhosi Nebukhadnezari watfumela kutsi akalandvwe aletfwe eBhabhulona, aletfwe kanye netimphahla letinelinani lelikhulu tasethempelini laSimakadze. Wase ubeka malume waJehoyakhini labenguSedekiya kutsi abe yinkhosi yakaJuda neyaseJerusalema.

2 Tikhronike 36:18

Wabutsa tonkhe timphahla tasethempelini laNkulunkulu, watitfumba waya nato eBhabhulona, timphahla letincane, naletinkhulu kanye nengcebo yasethempelini laSimakadze nengcebo yenkhosi kanye neyetiphatsimandla tayo.

Levithikusi 26:19

Ligcabho lenu lelinenkhani ngiyawulifohlota; sibhakabhaka senu ngiyawusenta sibe njengensimbi, sibete imvula; umhlaba ngiyakuwomisa ube lukhuni njengelitfusi.

2 Emakhosi 20:16

Isaya wase utsi kuHezekiya: “Vani livi laSimakadze:

Jeremiya 20:5

Ngiyawubunikela bonkhe bunjinga balelidolobha etitseni tabo, sonkhe sivuno salo, konkhe kwalo lokuligugu, nayo yonkhe ingcebo yemakhosi akaJuda. Bayakuyitsatsa bahambe nayo ibe yimphango yabo, bayetfwale baye nayo eBhabhulona.