2 Emakhosi 20:11 - Siswati 1996 Bible

¹¹ Umphrofethi Isaya wabita Simakadze, Simakadze wase ubuyisela sitfunti emuva tinyatselo letilishumi lesase sitehlile etitebhisini tetikhatsi letatakhiwe ngu-Ahazi.

2 Emakhosi 20:11 ပူးပေါင်းရင်းမြစ်များ

2 Emakhosi 20:10

Hezekiya watsi: “Kuyintfo lelula kutsi sitfunti siye embili tinyatselo letilishumi. Lokungenani sitfunti singamane sibuyele emuva tinyatselo letilishumi kuleto titebhisi.”

2 Tikhronike 32:24

Kulawo malanga Hezekiya wagula wabangwa netibi. Wathandaza kuSimakadze, Simakadze wamphendvula ngekumnika sibonakaliso lesisimanga.

2 Tikhronike 32:31

Kodvwa kwatsi nakufika emancusa aseBhabhulona atfunywe ngumbusi wakhona kutsi atewubuta ngalesimanga sesibonakaliso lesasehlele eveni lakhe, Nkulunkulu wamshiya yedvwa entela kumvivinya, kuze akwati konkhe lokwakusenhlitiyweni yaHezekiya.

Eksodusi 14:15

Simakadze wakhuluma kuMosi, watsi: “Ukhalelani kimi? Tjela ema-Israyeli kutsi akachubekele embili.

Isaya 38:8

Ngitakwenta sitfunti lesentiwe lilanga siye emuva tinyatselo letilishumi lese sitewuke etitebhisini tekukala sikhatsi ta-Ahazi.’ ” Ngako-ke kukhanya kwelilanga kwafinyela ngetinyatselo letilishumi lebesekutewukile.

Imisebenti yebaPhostoli 9:40

Phetro wabakhiphela ngephandle bonkhe labantfu, waguca phansi wathandaza; wase ugucukela kulesidvumbu watsi: “Thabitha, sukuma!” Thabitha wavula emehlo, watsi kube abone Phetro wahlala ngetibunu.