2 Emakhosi 2:5 - Siswati 1996 Bible

⁵ Emadvodza labaphrofethi baseJerikho enyuka aya ku-Elisha, afike ambuta atsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 2:5 ပူးပေါင်းရင်းမြစ်များ

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

1 Emakhosi 20:35

Ngelivi laSimakadze lomunye wemadvodzana ebaphrofethi wakhuluma kulomunye umnganakhe, watsi: “Ngishaye ngalesikhali sakho,” kodvwa lomnganakhe wala.

2 Emakhosi 2:3

Sicumbi sebaphrofethi lesasihlala eBetheli seta ku-Elisha, safike sambuta satsi: “Uyati yini kutsi Simakadze utayitsatsa lenkhosi yakho lamuhla?” Elisha wabaphendvula, watsi: “Yebo, ngiyati; kodvwa yekelani kukhuluma ngalendzaba.”

2 Emakhosi 4:1

Umfati walomunye webaphrofethi wakhala ku-Elisha, watsi: “Inceku yakho, lebekuyindvodza yami, seyifile; nawe uyati kutsi beyesaba Simakadze. Manje lomuntfu lebeyimkweleda uyeta utawutsatsa lamadvodzana ami lamabili, kutsi ayekuba tigcili takhe.”

2 Emakhosi 5:22

Gehazi waphendvula, watsi: “Cha, kute lokonakele, konkhe kuhamba kahle; intfo nje, inkhosi yami ingitfume kuwe kutsi ngibofike ngitsi: ‘Emajaha lamabili labephuma kulabanye baphrofethi efike lapha kulaka-Efrayimu. Ngicela kutsi ubanike tinhlavu tesiliva letingemakhilogremu langaba ngema-34 netimphahla letinhle letimbili tekuntjintja.’ ”

2 Emakhosi 6:1

Ngalelinye lilanga kwesuka licembu lebaphrofethi laya ku-Elisha, labengumholi walo, lafike latsi: “Buka lapha, lendzawo lesihlala kuyo lapha embikwakho, seyincane kakhulu.

2 Emakhosi 9:1

Umphrofethi Elisha watfuma lomunye welicembu lebaphrofethi lababenaye, watsi kuye: “Bopha lijazi lakho ngelibhande, utsatse luphondvo lwemafutsa uhambe nalo uye eRamothi Gileyadi.

Umshumayeli 3:7

sikhatsi sekudzabula nesikhatsi sekuchibela, sikhatsi sekubindza nesikhatsi sekukhuluma,

Isaya 41:1

“Thulani embikwami, nine tichingi! Tive ativuselele emandla ato! Atiphumele ebaleni tikhulume, asihlangane kanyekanye endzaweni yekwehlulela.

Amose 7:14

Amose waphendvula Amasiya, watsi: “Angizange sengibe ngumphrofethi mine, ngisho nekuba ngumsa wemphrofethi nje. Kodvwa bengingumelusi nje, nanyalo ngisengumlimi wetihlahla temakhiwa.

Habakhuki 2:20

“Kodvwa Simakadze usethempelini lakhe lelingcwele. Umhlaba wonkhe awuthule embikwakhe.”

Lukha 24:51

Asababusisa, watsatfwa kubo [wenyuselwa ezulwini.]

Imisebenti yebaPhostoli 1:11

Atsi kubo: “Madvodza aseGalile, nimeleni nibuke etulu? LoJesu, lotsetfwe lapha kini wayiswa ezulwini, uyawubuya futsi ngayo yona leyo ndlela njengobe nimbonile nje aya ezulwini.”

Imisebenti yebaPhostoli 1:2

kwaze kwaba lilanga latsatfwa ngalo mhlazana aya ezulwini. Angakenyukeli ezulwini wanika imiyalo ngemandla aMoya Longcwele kubaphostoli labebakhetsile.

Imisebenti yebaPhostoli 26:25

Kodvwa Pawula waphendvula watsi: “Angihlanyi, Mhlonishwa Festusi! Kodvwa ngikhuluma liciniso leliphilile nalelimsulwa.

1 Samuweli 10:5

“Nawusuka lapho, ubokhuphukela eGibeya yaNkulunkulu, lapho kunenkambu yemaFilisti khona. Utawutsi nawuyawungena kulelidolobha, uhlangane neludvwendvwe lwebaphrofethi lwehla lubuya endzaweni lephakeme, luphetse emahabhu, netingitali, netingubhu, nemintjingozi, luhambe lushaya, luphrofetha.