2 Emakhosi 2:24 - Siswati 1996 Bible

²⁴ Wagucuka wababuka; wamemeta, abacalekisa ngelibito laSimakadze. Kwabe sekuchamuka emabhele lamabili aphuma ehlatsini, adladlabula lababengema-42 balabo bafana.

2 Emakhosi 2:24 ပူးပေါင်းရင်းမြစ်များ

Genesisi 9:25

Watsi: “Akacalekiswe Khenani, abe sigcili setigcili kubomnakabo.”

2 Samuweli 17:8

Uyamati uyihlo kanye nalamadvodza akakhe kutsi tingwazi, besabeka njengelibhele lesiganga nalemukwe emazinyane alo. Ngaphandle nje kwaloko, babe wakho ngunsukuwansuku, ngukadzebona, angeke alale emkhatsini walamabutfo akhe ebusuku.

1 Emakhosi 13:24

Watsi asahamba endleleni, wahlangana nelibhubesi, lambamba lambulala, sidvumbu sakhe sadzilikela phansi emgwacweni, lembongolo nalelibhubesi kwema eceleni kwesidvumbu.

1 Emakhosi 19:17

Wonkhe lobalekela inkemba yaHazayeli uyakubulawa nguJehu, nalowo loyawubalekela inkemba yaJehu uyawubulawa ngu-Elisha.

1 Emakhosi 20:36

Ngako lomphrofethi watsi: “Njengobe ungakamlaleli Simakadze, utawutsi nawusuka lapha, libhubesi likubulale.” Yatsi lendvodza nayisuka ihamba, yakhandvwa libhubesi lelayibulala.

2 Emakhosi 2:25

Elisha wachubeka waya eNtsabeni iKhameli; wesuka lapho wancandzeka wabuyela eSamariya.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Taga 17:12

Kuncono kubhekana nelibhele lelitfukutseliswe kwemukwa bantfwabalo, kunekubhekana nesilima lesiphishaneke ngebulima baso.

Taga 19:29

Kujeziswa kwemiselwa baphukuti; nekubhanjabulwa kwemiselwa imihlane yetilima.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Jeremiya 28:16

Ngako-ke naku lokushiwo nguSimakadze, utsi: ‘Sekusondzele kutsi ngikukhweshise emhlabeni. Kuwo nje lomnyaka lona utakufa, ngobe ushumayele kuhlubuka Simakadze.’ ”

Sililo 3:65

Mbonya tinhlitiyo tato ngendvwangu, shangatsi sicalekiso sakho singaba setikwato!

Hoseya 13:8

Njengelibhele nalemukwe bantfwabalo, ngiyawubesukela ngibadladlabule. Njengelibhubesi ngiyawubashwabudzela, silwane sesiganga siyawubadzabudzabula.

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Amose 7:17

“Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ”

Makho 11:14

Watsi kulesihlahla: “Sale kubate muntfu loyakudla emakhiwa la kuwe nanini.” Bafundzi bakhe bamuva nakasho njalo.

Makho 11:21

Phetro wayikhumbula indzaba yangayitolo, wase utsi: “Mfundzisi, buka lesa sihlahla losicalekise itolo, sesomile.”

Imisebenti yebaPhostoli 5:5

Watsi nakeva lamavi Ananiyase washayeka phansi wafa; bonkhe labeva ngalesehlo besaba kakhulu.

Imisebenti yebaPhostoli 5:9

Phetro watsi kuye: “Hhawu, nitimiseleleni nalendvodza yakho ngekulinga Moya weNkhosi? Lamajaha labengcwaba indvodza yakho asalapha emnyango, lo ngikhuluma nje nawe, atakutfwala akukhiphele ngephandle.”

Imisebenti yebaPhostoli 8:20

Kodvwa Phetro waphendvula watsi: “Wena nemali yakho hamba uyekufa; ucabanga kutsi ungatsenga sipho saNkulunkulu ngemali?

2 kubaseKorinthe 10:6

Nangabe senitimisele kulalela ngalokuphelele, sikulungele kujezisa konkhe kungalaleli.

Tikhulu 9:20

Kodvwa nakungenjalo, akuphume umlilo ku-Abimeleki unidle, nine takhamiti taseShekhemu netaseBhethi Milo; akuphume umlilo nakini, nine takhamiti taseShekhemu netaseBhethi Milo, udle Abimeleki!”

Tikhulu 9:57

Nkulunkulu wawajezisa nalamadvodza aseShekhemu ngalobo bubi bawo. Sicalekiso lesakhulunywa nguJothamu, umsa waJerubhali, sagcina sibehlele.