2 Emakhosi 2:23 - Siswati 1996 Bible

²³ Elisha wesuka lapho waya eBetheli. Watsi asahamba ngemgwaco, bafana baphuma kulelidolobha bamphukuta bamhheletela, bamemeta batsi: “Yenyuka wena mphandla-ndzini! Yenyuka wena mphandla-ndzini!”

2 Emakhosi 2:23 ပူးပေါင်းရင်းမြစ်များ

Genesisi 21:9

Ngalelinye lilanga Sara wabona indvodzana yaHagari, umGibhithe, labeyitalele Abrahama, yeyisa Isaka, indvodzana yakhe.

2 Emakhosi 2:11

Batsi basahamba bakhulumisana bobabili, masinyane kwachamuka incola yemlilo idvonswa ngemahhashi emlilo, yabehlukanisa ekhatsi, Elija wenyuka ngesiwunguwungwana wayawushona ezulwini.

2 Emakhosi 2:2

Elija wakhuluma ku-Elisha, watsi: “Sala lapha; Simakadze usangitfumele eBetheli.” Kodvwa Elisha waphendvula, watsi: “Ngifunga ngekuphila kwaSimakadze nangekwakho, ngitsi ngingeke ngikushiye.” Ngako bavele bewuka baya eBetheli.

2 Emakhosi 2:22

Lamanti kuze kube ngulamuhla seloku elapheka, kwaya njengenkhulumo leyakhulunywa ngu-Elisha.

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Jobe 19:18

Ngisho nekwebafanyana lokuncane sekuyangedzelela, nangitsi ngiyachamuka, bachwebana ngami bahleke.

Jobe 30:1

“Kodvwa nyalo sebahlekisa ngami, bantfu labancane kunami, boyise babo lengangingabeyisa ngingabavumeli kutsi basite tinja tami ekweluseni timvu tami.

Tihlabelelo 31:17

Simakadze, ungangidvumati nangikubita, lababi abadliswe ngemahloni. Abavalwe imilomo baye ekufeni.

Tihlabelelo 31:18

Shangatsi imilomo lecala emanga ingabindziswa, ngobe ihlambalata lolungile, ikhulume ngekutigcabha nangekwedzelela.

Tihlabelelo 35:15

Kodvwa kwatsi nangikhubeka ngiwa, batsakasa, bahlangana ndzawonye; bahlanganela kumelana nami, tinkhubela lengingatati tingihlanganyela tinginyembenye siphelane.

Taga 20:11

Ngisho nemntfwana wembula similo sakhe ngendlela latiphetse ngayo; tento takhe tikhombisa kutsi similo sakhe sihle yini nome sibi.

Taga 22:15

Bulima buboshelwe engcondvweni yemntfwana; kodvwa luswati luyabutsintsitsa bonkhe.

Taga 22:6

Khulisa umntfwana ngendlela lekufanele aphile ngayo; kuyakutsi nome asakhulile angesuki kuyo.

Umshumayeli 11:10

Ngako-ke cosha kungeneliseki engcondvweni yakho, utsintsitse tinhlupheko emtimbeni wakho, ngobe busha nekucala kwemphilo kulite nje.

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 3:5

Bantfu bayawucindzetelana, umuntfu acindzetele lomunye, makhelwane acindzetele makhelwane. Labasha bayawuvukela labadzala, bantfu phaca bavukele lababaphetse.

Jeremiya 20:7

Awu Simakadze, wangiyenga, nami ngayengeka, wangehlula ngemandla, waphumelela. Nyalo sengiyinhlekisa kubantfu lonkhe lilanga, bonkhe bantfu bayangiphukuta.

Jeremiya 20:8

Njalo nje nangikhuluma, ngikhala ngimemetela kulwa nembhubhiso. Ngako livi laSimakadze selingitsele ngenhlamba nenhlekisa lonkhe lilanga.

Jeremiya 7:18

Bantfwana batfota tinkhuni, emadvodza alumekela imililo, bafati badovana nenhlama, babhaka emakhekhe eNdlovukazi yeliZulu. Batfulula iminikelo yetinatfo kulabanye bonkulunkulu bentela kuchukuluta lulaka lwami.

Hoseya 10:15

Awu, Betheli, kuyakwenteka kona loko-ke nakuwe, ngobe bubi bakho bukhulu. Kuyawutsi kusa ngalelo langa, inkhosi yaka-Israyeli iyawube seyibhujiswe yaphela.”

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Levithikusi 13:40

“Nangabe indvodza icotfukelwe tinwele tayo yase iba yimphandla, ihlantekile.

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Amose 4:4

Simakadze utsi: “Sive saka-Israyeli, hambani niye eBetheli, indzawo lengcwele, niyekona, nichubeke niye eGilgali, nandzise khona tono tenu, njengobe nitsandza kwenta. Onkhe emalanga ekuseni niletse imihlatjelo yenu, bese kutsi kanye ngeminyaka lemitsatfu niletse kwelishumi kwenu.

Amose 5:5

Ningangifuni eBetheli, ningayi naseGilgali, ningayi ngisho naseBherisheba. Ngobe iGilgali ngempela itawudzingiswa, kutsi iBetheli incishiswe ize ibe lite.”

Amose 7:13

Ungaphindzi uphrofethe lapha eBetheli, ngobe lena yindzawo lekutsiwa ingcwele yenkhosi, nelithempeli lembuso.”

KubaseGalathiya 4:29

Kodvwa njengobe lona lowatalwa ngalokwetayelekile watingela lona labetelwe ngekwaMoya, namanje kusenjalo.

KumaHebheru 11:36

Labanye baphukutwa, bashaywa, baboshwa ngetinketane ejele.