2 Emakhosi 2:19 - Siswati 1996 Bible

¹⁹ Emadvodza alelo dolobha akhuluma ku-Elisha atsi: “Ase ubuke lapha, nkhosi, lelidolobha lisendzaweni lekahle, njengobe ubona nje, kodvwa emanti alo mabi, kantsi futsi nemasimi alo asaphuphile.”

2 Emakhosi 2:19 ပူးပေါင်းရင်းမြစ်များ

1 Emakhosi 16:34

Ngesikhatsi sa-Ahabi, Hiyeli waseBetheli waphindze wavusa iJerikho. Wemisa sisekelo sayo ngelitubulo lakhe, Abiramu; wemisa emasango ayo ngelitfunjana lakhe lelalinguSegubi, kwaya njengekusho kwelivi laSimakadze lelakhulunywa nguJoshuwa, umsa waNuni.

1 Emakhosi 18:13

Ingabe wena, nkhosi yami, awukaze uve yini kutsi mine ngentani ngesikhatsi Jezebeli abulala baphrofethi baSimakadze? Ngabhacisa baphrofethi labalikhulu emigedzeni lemibili, baba ngema-50 kulowo nalowo mgedze, ngangibapha kudla ngibanatsise nemanti.

1 Emakhosi 18:7

Watsi Obadiya asahamba, wahlangana na-Elija. Obadiya wambona wamfanisa, wabe sewuyamkhotsamela, wakhuluma kuye watsi: “Nguwe ngempela yini, nkhosi yami Elija?”

2 Emakhosi 2:18

Atsi nakancandzeka abuyela ku-Elisha, labehlala eJerikho, watsi kuwo: “Angitsi nginitjelile kutsi ningayi?”

2 Emakhosi 2:20

Wawaphendvula watsi: “Ngiletseleni sitja lesisha, bese nifaka luswayi ekhatsi kuso.” Ngako babe sebakuletsa kuye loko.

Eksodusi 15:23

Bahamba baze bafika endzaweni lekutsiwa yiMara, lapho bawakhandza khona emanti. Kodvwa behluleka kuwanatsa, ngobe abebaba. Ngiko nje lendzawo yabitwa ngekutsi yiMara.

Eksodusi 23:26

Kute umfati lotawuphunyelwa sisu nalotawuba yinyumba eveni lenu, ngitanipha imphilo lendze.

Eksodusi 7:19

Simakadze wakhuluma kuMosi, watsi: “Khuluma ku-Aroni utsi: ‘Tsatsa indvuku yakho uyengamise yonkhe imifula, nemisele yayo, netitiba tayo, netitiba tekwakhiwa la eGibhithe. Lamanti atawugucuka abe yingati, lonkhe live laseGibhithe, ngisho nasetitjeni letentiwe ngetigodvo naletentiwe ngematje.’ ”

Hoseya 9:14

Simakadze, banike! Kodvwa utabanikani? Banike titalo letingabambi, ubanike nemabele late lubisi.

Numeri 12:11

Aroni watsi kuMosi: “Hhawu, nkhosi, mane ungasijezisi ngalesono setfu lesisente ngebulima.

Dutheronomi 28:11

Simakadze uyawunipha inala yemnotfo lomkhulu nibe nebantfwana, andzise nemihlambi yetifuyo tenu kanye netitselo temhlaba wenu kulelo live lafunga ngalo kubokhokho benu kutsi utanipha lona.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

Joshuwa 6:17

Lidolobha kanye nako konkhe lokukulo kufanele kunikelwe kuSimakadze kubhujiswe. NguRahabi kuphela, ingwadla, lotawusindza kanye nabo bonkhe labanaye endlini kakhe, ngobe watifihla tinhloli lesasititfumile.

Joshuwa 6:26

Ngaso leso sikhatsi Joshuwa wakhipha sifungo lesimatima, watsi: “Wonkhe lowetama kuvusa lelidolobha, iJerikho, uyawucalekiswa embikwaSimakadze: “ ‘Uyawufelwa yindvodzana lelitubulo lakhe, nakabeka leto tisekelo talo; afelwe ngumntfwanakhe losemncane, nakafaka emasango alo.’ ”