2 Emakhosi 19:7 - Siswati 1996 Bible

⁷ Lalelani! Ngitawufaka kuye umoya lotamenta kutsi atsi nakeva umbiko lotsite, ancandzeke abuyele eveni lakhe, ngulapho-ke ngiyawumenta afele khona ngenkemba.’ ”

2 Emakhosi 19:7 ပူးပေါင်းရင်းမြစ်များ

2 Emakhosi 19:28

Njengobe uyangibhodlela, nekungicoloshela kwakho sekufikile etindlebeni tami, ngitawufaka umkhala wami ekhaleni lakho nelitomu lami emlonyeni wakho. Ngiyawukuncandzekisa ngaleyo ndlela lote ngayo.’

2 Emakhosi 19:33

Iyawuncandzeka ngaleyo ndlela lete ngayo. Ngeke ingene kulelidolobha,” kusho Simakadze.

2 Emakhosi 7:6

ngobe Simakadze wenta emaSiriya eva shangatsi kuta umsindvo walenkhulu imphi yemahhashi netincola tawo, ase acabanga kutsi inkhosi yema-Israyeli seyimeme emakhosi emaHethi newemaGibhithe, nemabutfo awo kutsi atekuwahlasela.

2 Tikhronike 32:21

Simakadze wase utfumela ingilosi, yafike yawabhubhisa ngenkemba onkhe emachawe lanemandla, nebaholi, netindvuna, yabacedza bonkhe lababelapho enkambu yenkhosi yase-Asiriya. Senaheribi wabuyela emuva eveni lakhe ajojobele. Watsi uyawungena ethempelini lalonkulunkulu wakhe, lamanye emadvodzana akhe amenta silo sengubo, amjuba ngenkemba.

Jobe 15:21

“Tindlebe takhe tigcwele imisindvo lesabisako, ngesikhatsi konkhe kubukeka shangatsi kuhle, umbhubhisi ngulapho amhlasela khona.

Jobe 4:9

Ngekuphefumula kwaNkulunkulu bayabhubha; ngekuvunguta kwentfukutselo yakhe bayaphela.

Tihlabelelo 11:6

Lababi uyawubehlisela imvula yemalahle lavutsako nesibabule, abajezise ngemoya lohhusha kabuhlungu.

Tihlabelelo 50:3

Nkulunkulu wetfu uyeta, angeke abindze. Embikwakhe kunemlilo locotfulako, utungeletwe sivunguvungu lesesabekako.

Tihlabelelo 94:23

Uyawukwehlisela tono tabo etikwabo, ababhubhise ngenca yebubi babo; Simakadze, Nkulunkulu wetfu, uyawubabhubhisa.

Isaya 11:4

kodvwa labeswele uyawubehlulela ngekwemtsetfocotfo, labamphofu belive abehlulele ngekungakhetsi. Uyawushaya umhlaba ngendvuku yemlomo wakhe; ngekuphefumula kwemlomo wakhe uyawubulala lababi.

Jeremiya 49:14

Ngive umlayeto lovela kuSimakadze. Kwatfunyelwa emancusa etiveni atewutsi: “Hlanganani niteyihlasela! Sukumelani imphi!”

Jeremiya 51:1

Naku lokushiwo nguSimakadze, utsi: “Buka la, ngiyawuvusa umoya wembhubhisi usukele iBhabhulona kanye nebantfu baseLebu Khamayi.

Jeremiya 51:46

Ningajabhi, futsi ningesabi, nakuvakala emahemuhemu eveni. Lenye indzaba itawufika lonyaka, lenye ifike nyakenye, emahemuhemu ebudlwangudlwangu eveni, newembusi lovukela umbusi.

Obadiya 1:1

Umbono wa-Obadiya: Loku ngulokwakhulunywa yiNkhosi Simakadze ngesive saka-Edomu: Sivile livi leliphuma kuSimakadze. Utfumele lincusa lakhe etiveni, watsi: “Sukumani, sambe siyekulwa na-Edomu.”