2 Emakhosi 19:35 - Siswati 1996 Bible

³⁵ Ngalobo busuku ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

2 Emakhosi 19:35 ပူးပေါင်းရင်းမြစ်များ

2 Samuweli 24:16

Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 10:33

Bukani la, iNkhosi Simakadze lenguSomandla iyawujuba emagala ngemandla lamakhulu. Tihlahla letiphakeme tiyawugawulwa, leto letidze tiyawuwiswa phansi.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

1 Tikhronike 21:16

Davide watsi ubuka etulu, wabona ingilosi yaSimakadze ime emkhatsini welizulu nemhlaba iphakamise inkemba ngesandla sayo iyibhekise ngaseJerusalema. Davide kanye netimphunga base bembatsa emasaka bawa phansi ngebuso, bakhotsama.

1 Tikhronike 21:12

iminyaka lemitsatfu yendlala, nome tinyanga letintsatfu solo ukhekhemukiswa titsa takho tikuphetse ngetikhali tikubhokodzela, nome emalanga lamatsatfu enkemba yaSimakadze lekungemalanga esifo lesingujubajece, ingilosi yaNkulunkulu yonakalisa lonkhe lema-Israyeli.’ Manje-ke cabanga kahle, kutsi ngitawufike ngitsini kulona longitfumile.”

Eksodusi 12:23

Kutawutsi Simakadze nadzabula live, atewubulala emaGibhithe, abone ingati etinsikeni nasetulu eminyango yenu, bese uyendlula angayivumeli ingilosi yekufa kutsi ingene etindlini tenu inibulale.

Tihlabelelo 90:10

Iminyaka yekuphila kwetfu ingiminyaka lengemashumi lasikhombisa, nangabe sisacinile iba ngiminyaka lengemashumi lasiphohlongo; noko linyenti laleyo minyaka seliphetse kuhlupheka nelusizi. Kuphila kwetfu kwendlula ngekushesha, yebo, siyandiza sihambe.

Tihlabelelo 91:6

nengoti lenkhulu levumbuka ebumnyameni, namashayacotfule wesifo lobhubhisako emini.

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

Eksodusi 9:15

Kube sandla sami bengisiphakamisele etikwakho ngesifo lesingelapheki, ngabe seniphele nya.

Eksodusi 9:16

Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.

2 Emakhosi 19:7

Lalelani! Ngitawufaka kuye umoya lotamenta kutsi atsi nakeva umbiko lotsite, ancandzeke abuyele eveni lakhe, ngulapho-ke ngiyawumenta afele khona ngenkemba.’ ”

2 Tikhronike 20:24

Emadvodza akaJuda atsi kube efike endzaweni leyayengamele lelihlane, nabuka lamabutfo labeyimphi lenkhulu, akhangwa tidvumbu tilucaca phansi; kute namunye labephunyulile.