2 Emakhosi 19:34 - Siswati 1996 Bible

³⁴ “Ngitalivikela lelidolobha ngilisindzise, ngenca yami nangenca yenceku yami Davide.”

2 Emakhosi 19:34 ပူးပေါင်းရင်းမြစ်များ

1 Emakhosi 15:4

Noko-ke ngenca yaDavide Simakadze Nkulunkulu wakhe wamnika sibane eJerusalema ngekutsi amvusele indvodzana leyayitamlandzela, icinise neJerusalema.

2 Emakhosi 20:6

Ngitakwengetela iminyaka leli-15 ebudzeni bemphilo yakho. Ngitawukhulula wena kanye nalelidolobha esandleni senkhosi yase-Asiriya. Ngitalivikela lelidolobha ngenca yami nangenca yenceku yami Davide.’ ”

2 Emakhosi 8:19

Noko ngenca yenceku yakhe Davide, Simakadze abengakatimiseli kubhubhisa sive sakaJuda. Abetsembisile kutsi uyawutigcinela sibane endlini yakaDavide kuze kube phakadze.

Isaya 31:5

Njengenyoni lendizela etikwesidleke sayo, Simakadze longuSomandla uyakuvikela iJerusalema; uyakuyivikela abuye ayisindzise, uyakwendlula kuyo, ayilamulele.”

Isaya 38:6

Ngitawukhulula wena kanye nalelidolobha esandleni senkhosi yase-Asiriya. Ngitalivikela lelidolobha.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 48:11

Ngenca yami, nangekwami ngiyakwenta loku. Ngingeke ngivume kutsi Libito lami lihlazeke. Ngingeke nginike lomunye inkhatimulo yami.”

Isaya 48:9

Ngenca yeLibito lami ngiyalwephutisa lulaka lwami, ngenca yeludvumo lwami ngiyalubamba, ngingalwehliseli kini, kuze ngingetikunicedza.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 33:21

ngako sivumelwane sami naDavide, inceku yami, kanye nesivumelwane sami nemaLevi labaphristi labakhonta embikwami, naso-ke siyakwephulwa, naDavide ngeke abe asaba nesitukulwane lesitawubusa esihlalweni sakhe sebukhosi.

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Hezekeli 36:22

“Ngako-ke khuluma kuyo indlu yaka-Israyeli, utsi: ‘Naku lokushiwo yiNkhosi Simakadze, itsi: Akusiko ngenca yakho, wenandlu yaka-Israyeli, lokutsi ngitatenta letintfo, kodvwa kungenca yeLibito lami lelingcwele lewulihlambalatile emkhatsini wetive lapho wawuhlanhlatseke waya khona.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Zakhariya 9:8

Kodvwa ngiyakuyivikela indlu yami, ngimelane nanome nguyiphi imphi lengahle yendlule kuyo. Bacindzeteli abasayiwuphindze basibuse sive sami, ngobe nyalo sengiyaselusa ngemehlo ami.

Kubase-Efesu 1:14

Yena usibambiso selifa leliyawuba letfu ngesikhatsi Nkulunkulu ahlenga lokukwakhe, kube ludvumo lwebukhosi bakhe.

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

Dutheronomi 32:27

Kodvwa ngakwesaba kucolosha kwesitsa, funa sitsa singacondzisisi kahle, bese sitsi: “Sandla sami sincobile akukentiwa nguSimakadze konkhe loku.” ’