2 Emakhosi 19:25 - Siswati 1996 Bible

²⁵ “ ‘Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, uwente tindvundvuma tematje.

2 Emakhosi 19:25 ပူးပေါင်းရင်းမြစ်များ

Tihlabelelo 33:11

Emasu aSimakadze ayawuhlala emile kuze kube phakadze; nemicabango yakhe iyawuhlala imile kuto tonkhe titukulwane.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Isaya 10:15

Lizembe liyatiphakamisa yini lona, libe ngetulu kwalowo lolijikitisako? Lona lisaha liyamhhongela yini lolisebentisako? Kube shangatsi umzaca bewungamjikitisa lowo lowuphetse nome sagila singamjikitisa lowo longesiso sigodvo!

Isaya 45:7

Ngenta kukhanya, ngidale bumnyama, ngiletsa lokuhle, ngidale lokubi, mine Simakadze, ngitenta tonkhe letintfo.”

Isaya 45:8

“Nisani kulunga, nine mazulu lasetulu; emafu akakutfululele phansi. Umhlaba awuvuleke kabanti, insindziso ayihlume, kulunga akukhule nayo; mine, Simakadze, ngikudalile.

Isaya 54:16

“Buka la, ngimi lowadala umbumbi wetetinsimbi, lovutsela emalahle kutsi abe lilangabi, ente sikhali silungele umsebenti waso. Futsi ngimi lowadala umbhubhisi kutsi ente imbhubhiso;

Mikha 1:6

Ngako Simakadze utsi: “ISamariya ngitayenta ibe tindzala tesikhotsa, kube yindzawo yekuhlanyela umvini. Tindlu letitindzala ngiyakutitfulula tigeletele etigodzini, kutsi tisekelo telidolobha ngitihlubule tibesebaleni.