2 Emakhosi 19:20 - Siswati 1996 Bible

²⁰ Isaya, umsa wa-Amose, wase utfumela livi kuHezekiya, atsi: “Naku lokushiwo nguSimakadze Nkulunkulu wema-Israyeli, utsi: ‘Ngiwuvile umkhuleko wakho macondzana naSenaheribi, inkhosi yase-Asiriya.’

2 Emakhosi 19:20 ပူးပေါင်းရင်းမြစ်များ

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

2 Emakhosi 18:13

Ngemnyaka weli-14 wekubusa kwenkhosi Hezekiya, kwesuka Senaheribi, inkhosi yase-Asiriya, wahlasela onkhe emadolobha latinqaba akaJuda, wawatfumba.

2 Emakhosi 20:5

“Ncandzeka uyewutjela Hezekiya, umholi wesive sami, utsi: ‘Naku lokushiwo nguSimakadze, Nkulunkulu weyihlomkhulu, Davide, utsi: Ngiwuvile umthandazo wakho, ngatibona netinyembeti takho; ngitakuphilisa. Ngelilanga lesitsatfu kusukela lamuhla utawukhuphukela ethempelini laSimakadze.

Jobe 22:27

Uyawuthandaza kuye, naye akuve, bese ugcwalisa tetsembiso takho.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 65:2

Wena uva imithandazo uyiphendvule; bonkhe bantfu bafanele kuta kuwe

Tihlabelelo 65:3

ngenca yetono tabo. Ngesikhatsi tiphambuko tetfu tisehlula nguwe lositsetselelako.

Isaya 58:9

Uyawumemeta, Simakadze akuphendvule, uyawukhala ucele lusito, atsi yena: ‘Ngilapha.’ “Nawususa lijoko lekucindzetela, nemino lekhombako, nekukhuluma ngenzondo,

Isaya 65:24

Bayawutsi bangakangibiti, ngisabele, bayawutsi basakhuluma, ngive.

Jeremiya 33:3

‘Ngibite, ngitakuphendvula ngikutjele tintfo letinkhulu naletingaphenyeki, wena longatati.’

Johane 11:42

Bengati mine kutsi uyangiva ngawo onkhe emalanga, kepha loko ngikukhulume ngenca yalabantfu labalapha, khona batekwati kutsi ngitfunywe nguwe.”

Imisebenti yebaPhostoli 10:31

itsi: ‘Khoneliyuse, Nkulunkulu uwuvile umthandazo wakho, uyikhumbulile imisebenti yakho yesihawu.

Imisebenti yebaPhostoli 10:4

Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.