2 Emakhosi 19:12 - Siswati 1996 Bible

¹² Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

2 Emakhosi 19:12 ပူးပေါင်းရင်းမြစ်များ

Genesisi 11:31

Thera watsatsa Abrama, indvodzana yakhe, naLoti, umtukulu wakhe umsa waHarani, namalukatana wakhe Sarayi, labengumka-Abrama, umsa wakhe, wahamba nabo esuka e-Uri yemaKhaledi, bacondze eveni laseKhenani. Batsi kube befike eHarani, bakha khona.

Genesisi 11:32

Thera wafela lapho eHarani asaneminyaka lengema-205.

Genesisi 2:8

Nkulunkulu Simakadze wahlanyela insimi yase-Edeni ngasemphumalanga; wambeka khona-ke lomuntfu labesamentile.

Genesisi 29:4

Jakobe wabuta labelusi watsi: “Ye bomnaketfu, niphumaphi?” Bamphendvula batsi: “Siphuma kaHarani.”

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 19:11

Angitsi sewuvile kutsi entani emakhosi ase-Asiriya kuwo onkhe lamanye emave, acotfule imbokodvo nesisekelo kuwo. Wena-ke ungaphepha kanjani?

1 Tikhronike 5:26

Ngako Nkulunkulu wema-Israyeli wacunula inhlitiyo yaPhuli, inkhosi yase-Asiriya, lekwakunguThiglathi Phileseri, inkhosi yase-Asiriya, watfumba bakaRubeni, nebakaGadi kanye nencenye yesive sakaManase, wabadzingisa. Wabatsatsa wabayisa eHala, naseHabori, naseHara, nasemfuleni iGozani, lapho basekhona khona ngisho nalamuhla loku.

Isaya 37:12

Labonkulunkulu betive letabhujiswa bobabemkhulu, batikhulula yini letive tabo, bonkulunkulu baseGozani, nebaseHarani, nebaseResefu kanye nebebantfu base-Edeni lababeseThelasari?

Hezekeli 27:23

“ ‘BaseHarani, nebaseKhane, nebase-Edeni kanye nebahwebi baseSheba, nebase-Asiriya, nebaseKhilmadi nabo babetsengiselana nawe.

Imisebenti yebaPhostoli 7:4

Wesuka-ke kulelive lemaKhaledi waya eHarani. Asafile uyise, Nkulunkulu wamsusa Abrahama wamletsa kulelive, lona leli lenakhe kulo.