2 Emakhosi 19:1 - Siswati 1996 Bible

¹ Hezekiya, inkhosi, watsi kube akuve loko, wadzabula tingubo takhe wembatsa emasaka, wahamba wangena ethempelini laSimakadze.

2 Emakhosi 19:1 ပူးပေါင်းရင်းမြစ်များ

Genesisi 37:34

Jakobe wadzabuka wadzimate wadzabula timphahla takhe, wavunula emasaka, walilela lendvodzana yakhe emalanga lamanyenti.

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

1 Emakhosi 21:29

“Ubonile yini kutsi Ahabi utitfobe kanjani embikwami? Ngenca yekutsi utitfobile kimi, ngingeke ngisamehlisela lesigemegeme etikhatsini takhe, kodvwa ngiyawusehlisela etikwendlu yakakhe ngesikhatsi sekubusa kwemsa wakhe.”

2 Emakhosi 18:37

Bo-Eliyakimu, umsa waHilkiya, labeyindvuna yesigodlo, naShebna labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya, sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

2 Emakhosi 5:7

Yatsi kube inkhosi yaka-Israyeli iyifundze lencwadzi, yaklebhula tingubo tayo, yatsi: “Mine nginguNkulunkulu yini? Nginawo yini emandla ekubulala nekuphilisa? Lomuntfu uyitfumeleleni lapha kimi lenceku yakhe kutsi ngitekuyiphilisa kulobulephelo bayo? Niyabona-ke kutsi ufuna kususa imphi alwe nami!”

2 Emakhosi 6:30

Inkhosi yatsi nayiva lamavi alomfati, yaklebhula timphahla tayo, njengobe yayihambahamba lapha etulu elubondzeni, bantfu batsi bayayibuka, bakhandza kutsi ivunule emasaka ngaphansi kwetimphahla tayo.

Ezra 9:3

Ngatsi kube ngikuve loko, ngaklebhula ingubo nesembatfo sami, ngahhula tinwele tami nesilevu sami, ngahlala phansi ngijabhile.

Tihlabelelo 35:13

Kantsi nakugula bona, mine ngembatsa inzilo; umphefumulo wami ngawugongonya ngekuzila, noko ngacinisela ekuthandazeni.

Isaya 37:37

Ngako-ke Senaheribi, inkhosi yase-Asiriya, wadzilita inkambu yakhe, wahamba wabuyela eNineve, wayawuhlala khona.

Jeremiya 36:24

Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.

Jona 3:5

Bantfu baseNineve balikholwa lelivi laNkulunkulu. Ngako base bamemetela kutsi bonkhe bantfu abazile, kusukela kulomkhulu kuze kube ngukulomncane, bembatse emasaka, bakhombise kutsi baphendvukile.

Jona 3:8

Kodvwa bantfu netilwane akumbonywe ngetindvwangu temasaka kukhalwe kuNkulunkulu. Wonkhe umuntfu akaphendvuke endleleni yakhe lembi nasebudloveni lobusetandleni takhe.

Matewu 11:21

Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.

Matewu 26:65

Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”

1 Samuweli 4:12

Ngalelo langa lomunye wesive sakaBhenjamini wabaleka emphini waphutfuma eShilo, timphahla takhe asatidzabulile anelutfuli enhloko.