2 Emakhosi 18:8 - Siswati 1996 Bible

⁸ Wahlasela, wehlula emaFilisti kusukela etimbonisweni kuye emadolobheni latinqaba, waze wefika eGaza nasesifundzeni sayo.

2 Emakhosi 18:8 ပူးပေါင်းရင်းမြစ်များ

1 Emakhosi 5:4

Kodvwa nyalo Simakadze Nkulunkulu wami, mine sewunginike kuthula yonkhe indzawo; kute sitsa nome ingoti.

2 Emakhosi 17:9

Baka-Israyeli benta tintfo ngasense letatiphambene naSimakadze Nkulunkulu wabo, letatingakalungi. Kusukela etimbonisweni kuye emadolobheni labiyelwe, batakhela tindzawo letiphakeme tekukhontela tithico kuwo onkhe emadolobha abo.

1 Tikhronike 4:41

Bantfu lekwakubhalwe emabito abo befika ngesikhatsi kusabusa Hezekiya, inkhosi yakaJuda. Bahlasela lamaHhamu lapho abehlala khona kanye nemaMehuni labelapho, bawabhubhisa onkhe, njengobe nalamuhla loku kusabonakala nje. Bahlala kuleyo ndzawo yabo, ngobe bekunemadlelo lakahle etifuyo tabo.

2 Tikhronike 26:10

Waphindze wakha leminye imibhoshongo ehlane, wemba nemitfombo leminyenti, ngobe abefuye kakhulu, abenemihlambi leminyenti emaceleni etintsaba kanye nasematsafeni. Abenebantfu lababemsebentela emasimini, nasetivinini takhe etintsabeni kanye nasetindzaweni letivundzile, ngobe abetitsandza tekulima.

2 Tikhronike 28:18

kantsi ngasona leso sikhatsi nemaFilisti abesahlasele lamadolobha labengaphansi kwetintsaba naseningizimu yelive lakaJuda. Atfumba adla iBhethi Shemeshi, ne-Ayaloni, neGederothi, neSokho, neThimna, neGimzo kanye nemiti leyayiwatungeletile.

Isaya 14:29

“Ningajabuli, nine nonkhe maFilisti, ngobe nitsi lendvuku leyanishaya seyephukile; nanjengobe lokumila kusuka emphandzeni bese kutsela titselo, kanjalo nasenyokeni kuyawuvela libululu lelinesihlungu kabi.

Isaya 5:2

Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.

Dutheronomi 2:23

Ema-Avi labakhe emadolobheni lagudla lwandle kuze kuyewufika eGaza, wona-ke abhujiswa ngemaKhrethe labechamuka eKhrethe. Lelive lase lidliwa ngulawo maKhrethe.

Joshuwa 15:47

I-Ashdodi yaba kanye netabelo nemiti leyitungeletile; iGaza yaba kanye netabelo nemiti leyitungeletile, kuze kuyewufika emfudlaneni waseGibhithe nelusentse lweLwandle Lolukhulu.