2 Emakhosi 18:32 - Siswati 1996 Bible

³² ngize ngifike nginitsatse nginimikise eveni lelifanana nelenu, live lelinalokutinhlavu, nalelineliwayini lelisha, live lesinkhwa neletivini, live letihlahla temincumo neluju lwetinyosi: Khetsani kuphila kunekufa.’ “Ningamlaleli Hezekiya, ngobe uyanedukisa nakatsi: ‘Simakadze utasikhulula.’

2 Emakhosi 18:32 ပူးပေါင်းရင်းမြစ်များ

Dutheronomi 11:12

Leli live Simakadze Nkulunkulu wenu lalinakekelako; emehlo aSimakadze Nkulunkulu wenu akesuki kulo, kusukela ekucaleni kwemnyaka kuze kube ngusekupheleni kwawo.

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

2 Emakhosi 25:11

Nebuzaradani, indvuna yabomahlalesangweni, wabatfumba bonkhe labantfu lababesele kulelidolobha neluntfu lonkhe lolwalusele, wabatfumba kanye nalaba lababehlubuke baya enkhosini yaseBhabhulona.

2 Emakhosi 18:11

Inkhosi yase-Asiriya yatfumba baka-Israyeli yabayisa e-Asiriya, labanye yafike yababeka eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 17:23

waze wabesusa Simakadze ebukhoneni bakhe, njengobe abevele abecwayisile ngato tonkhe tinceku takhe baphrofethi. Ngako-ke bantfu baka-Israyeli batsatfwa emitini yabo naseveni labo, bayiswa ekutfunjweni e-Asiriya; basesekhona lapho nalamhlanje.

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

Numeri 14:8

Nangabe Simakadze asitfokotela, utasihola, siyewungena kulelive leligcwele lubisi neluju lwetinyosi, asiphe lona.

Genesisi 49:11

Uyawuba nenala, bantfu bayawubopha timbongolo tabo emivinini, nematfole etimbongolokati tabo emivinini lemihle. Bayawugeza tingubo tabo ewayinini, netembatfo tabo ewayinini lelibovu sangati.

2 Emakhosi 19:10

“Tjelani Hezekiya, inkhosi yakaJuda, nitsi: ‘Ungayengwa ngulonkulunkulu wakho lometsembako nakatsi: “IJerusalema ngeke inikelwe etandleni tenkhosi yase-Asiriya.”

Tihlabelelo 3:3

Kodvwa-ke wena, Simakadze, ulihawu lami, nebukhosi bami, uyangisimisa, unginike sibindzi sekuncoba.

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Isaya 36:17

ngize ngifike nginitsatse nginimikise eveni lelifanana nelenu, live lelinalokutinhlavu, nalelineliwayini lelisha, live lesinkhwa neletivini.’