2 Emakhosi 18:31 - Siswati 1996 Bible

³¹ “Inkhosi yase-Asiriya itsi: ‘Ningamlaleli Hezekiya, yentani sivumelwane nami, niphume nite kimi, nguleyo naleyo ndvodza-ke iyawube seyitidlela kahle esivinini sayo, nasemkhiwaneni wayo, inatse nemanti laphuma emtfonjeni wayo,

2 Emakhosi 18:31 ပူးပေါင်းရင်းမြစ်များ

Genesisi 32:20

Nibotsi: ‘Yebo, Jakobe inceku yakho, ita ngemuva, iyangilandzela.’ ” Jakobe abecabanga atsi uyatincengela ngaletipho ngekutitfumela kucala, khona kutawutsi nakahlangana naye, abe asamcolele.

Genesisi 33:11

Ngicela usitsatse lesipho lonikwa sona, ngobe Nkulunkulu ube nemusa kimi, wadzimate wangipha konkhe lengikudzingako.” Ngenca yekuncenga kwaJakobe wagcina asasemukele.

1 Emakhosi 4:20

Bantfu bakaJuda nebaka-Israyeli bebabanyenti bangangesihlabatsi saselwandle, babedla, banatse, bajabule.

1 Emakhosi 4:25

Ngesikhatsi sekuphila kwaSolomoni, Juda na-Israyeli, kusukela kaDani kuye eBherisheba, babehleti ngekuthula, nguleyo naleyo ndvodza itibhekele umvini wayo kanye nemkhiwa wayo.

1 Emakhosi 5:5

Ngako, ngitimisele kwakha lithempeli, ngakhele Libito laSimakadze Nkulunkulu wami, njengobe Simakadze atjela babe Davide, nakatsi: ‘Indvodzana yakho lengitayibeka esihlalweni sebukhosi esikhundleni sakho ngiyo letakwakhela Libito lami lithempeli.’

2 Emakhosi 18:30

Ningavumi kutsi Hezekiya aniyenge netsembele kuSimakadze, nakatsi: “Simakadze utasephula ngempela, lelidolobha lingeke linikelwe esandleni senkhosi yase-Asiriya.” ’

Taga 18:16

Sipho sakhe umuntfu simphendlela indlela, simholele kulabakhulu.

Taga 27:18

Umuntfu lohlakulela umkhiwa uyakudla titselo tawo, nalowo lophetse kahle umcashi wakhe uyakwemukela ludvumo.

Jeremiya 14:3

Bahlonishwa batfumela tisebenti tabo kutsi tiyewubakhelela emanti; tiya etitibeni temanti kodvwa tikhandze kute emanti. Tibuya netimbita tato temanti tingenalutfo, tijabhile futsi tiphelelwe litsemba.

Zakhariya 3:10

“ ‘Ngalelo langa ngulowo nalowo wenu uyawumema makhelwane wakhe kutsi atewuhlala ngekuthula ngaphansi kwemvini nemkhiwa wakhe,’ kusho Simakadze longuSomandla.”