2 Emakhosi 18:30 - Siswati 1996 Bible

³⁰ Ningavumi kutsi Hezekiya aniyenge netsembele kuSimakadze, nakatsi: “Simakadze utasephula ngempela, lelidolobha lingeke linikelwe esandleni senkhosi yase-Asiriya.” ’

2 Emakhosi 18:30 ပူးပေါင်းရင်းမြစ်များ

2 Emakhosi 18:29

Naku lokushiwo yinkhosi, itsi: ‘Ningacali niyengwe nguHezekiya. Ngeke anisindzise esandleni sami.

2 Emakhosi 18:31

“Inkhosi yase-Asiriya itsi: ‘Ningamlaleli Hezekiya, yentani sivumelwane nami, niphume nite kimi, nguleyo naleyo ndvodza-ke iyawube seyitidlela kahle esivinini sayo, nasemkhiwaneni wayo, inatse nemanti laphuma emtfonjeni wayo,

2 Emakhosi 19:10

“Tjelani Hezekiya, inkhosi yakaJuda, nitsi: ‘Ungayengwa ngulonkulunkulu wakho lometsembako nakatsi: “IJerusalema ngeke inikelwe etandleni tenkhosi yase-Asiriya.”

2 Emakhosi 19:22

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

2 Emakhosi 19:6

Isaya wakhuluma kuto, watsi: “Tjelani inkhosi yenu nitsi: ‘Naku lokushiwo nguSimakadze, utsi: Ningesatjiswa nguloko lenikuvile, lawo mavi ledzelelako etinceku tenkhosi yase-Asiriya letingihlambalate ngawo.

Tihlabelelo 11:1

KuSimakadze ngitfole siphephelo. Pho, ngabe ningeluleka njani nanitsi: “Ndizela entsabeni njengenyoni!

Tihlabelelo 3:3

Kodvwa-ke wena, Simakadze, ulihawu lami, nebukhosi bami, uyangisimisa, unginike sibindzi sekuncoba.

Tihlabelelo 4:2

Madvodza! Kuyawuze kube ngunini libito lami linyembenywa? Kuyawuze kube ngunini nitfungatsa lite nilandzelana nemanga? Cabanga.

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Tihlabelelo 71:11

batsi: “Nkulunkulu umlahlile, asimtingele size simbambe, ngobe kute longaphindze amsindzise.”

Tihlabelelo 71:9

Ungangilahli esikhatsini sebudzala bami, ungangikhohlwa nase ngiphelelwa ngemandla.

Matewu 27:43

Wetsembele kuNkulunkulu. Akamehlise phela loNkulunkulu wakhe namtsandza! Ngobe watsi: ‘NgiyiNdvodzana yaNkulunkulu.’ ”

Lukha 23:35

Bantfu bema babukela, kodvwa baholi bemaJuda bamhhalatisa, bamphukuta, bahlekisa ngaye, batsi: “Wabasindzisa labanye; ake atisindzise naye, nangabe anguKhristu lokhetfwe nguNkulunkulu!”