2 Emakhosi 18:26 - Siswati 1996 Bible

²⁶ Bo-Eliyakimu, umsa waHilkiya, naShebna, naJowa bakhuluma kulendvuna lenkhulu yemphi, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

2 Emakhosi 18:26 ပူးပေါင်းရင်းမြစ်များ

2 Emakhosi 18:18

Befika lapho babita inkhosi, kwaphuma bo-Eliyakimu, umsa waHilkiya, indvuna yesigodlo, naShebna labengumabhalane, naJowa, umsa wa-Asafa, umbhalisi, baya kubo.

2 Emakhosi 18:25

Ngetulu kwaloko nje, kantsi lapha ngitele kutawuhlasela nekubhubhisa lendzawo ngaphandle kwaSimakadze yini? Simakadze nguye cobo lwakhe longitjele kutsi angishuce ngite kulelive ngitekulibhubhisa.’ ”

2 Emakhosi 18:27

Kodvwa lendvuna lenkhulu yemphi yabaphendvula yatsi: “Kantsi inkhosi yami beyingitfume kini nalenkhosi yenu nodvwa yini kutsi ngitewukhuluma lamagama? Beyingakangitfumi yini nakubo labantfu labalapha etulu elubondzeni, nabo labanjengani, labatawudla emangcoliso abo, baphindze banatse nemichamo yabo?”

2 Emakhosi 18:37

Bo-Eliyakimu, umsa waHilkiya, labeyindvuna yesigodlo, naShebna labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya, sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

Ezra 4:7

Kwaphindza futsi ngesikhatsi sekubusa kwa-Athazeksesi, inkhosi yasePheresiya, boBishlamu, naMithredathi, naThabeyali kanye nebangani babo babhalela Athazeksesi incwadzi. Lencwadzi yayibhalwe ngelulwimi lwesi-Aramu, yase iyahunyushwa.

Isaya 22:15

Naku-ke lokushiwo yiNkhosi Simakadze lenguSomandla, itsi: “Hamba, uye endvuneni, kuShebna lophetse sigodlo, ufike utsi:

Danyela 2:4

Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”