2 Emakhosi 18:25 - Siswati 1996 Bible

²⁵ Ngetulu kwaloko nje, kantsi lapha ngitele kutawuhlasela nekubhubhisa lendzawo ngaphandle kwaSimakadze yini? Simakadze nguye cobo lwakhe longitjele kutsi angishuce ngite kulelive ngitekulibhubhisa.’ ”

2 Emakhosi 18:25 ပူးပေါင်းရင်းမြစ်များ

1 Emakhosi 13:18

Nalomphrofethi lomdzala waphendvula, watsi: “Nami futsi ngingumphrofethi njengawe. Ingilosi ikhulume kimi ngelivi laSimakadze, yatsi: ‘Mlandze, ute naye lapha kakho, khona atekudla kudla, anatse nemanti.’ ” Kodvwa abecala emanga.

2 Emakhosi 18:24

Ungayeyisa yini yona yinye nje kuto tonkhe tindvuna letincane temphatsi wami, nome ngabe wetsembele eGibhithe ngetincola temphi kanye nebagibeli bemahhashi?

2 Emakhosi 18:26

Bo-Eliyakimu, umsa waHilkiya, naShebna, naJowa bakhuluma kulendvuna lenkhulu yemphi, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

2 Emakhosi 19:6

Isaya wakhuluma kuto, watsi: “Tjelani inkhosi yenu nitsi: ‘Naku lokushiwo nguSimakadze, utsi: Ningesatjiswa nguloko lenikuvile, lawo mavi ledzelelako etinceku tenkhosi yase-Asiriya letingihlambalate ngawo.

2 Emakhosi 24:3

Ngempela letintfo tenteka kaJuda njengekwemyalo waSimakadze, kuze atekubasusa ebukhoneni bakhe ngenca yetono taManase nako konkhe labekwentile,

2 Tikhronike 35:21

Kodvwa Nekho watfumela tigijimi kuJosaya, atsi: “Sicabene ngani tsine nawe, nkhosi yakaJuda? Akusiwe lona lengilwa naye kulesikhatsi, kodvwa ngulendlu lengicabene nayo. Nkulunkulu utsite angisheshise, ngako-ke yekela kumelana naNkulunkulu longakimi, ngaphandle kwaloko utakubhubhisa Nkulunkulu.”

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?