2 Emakhosi 18:17 - Siswati 1996 Bible

¹⁷ Inkhosi yase-Asiriya yatfumela khenela wayo, nendvuna yemabutfo, nendvuna lenkhulu yemphi kanye nalelikhulu libutfo lemphi, lelesuka eLakhishi yaya enkhosini, Hezekiya, eJerusalema. Lemphi yefika eJerusalema yakanekisa emseleni wesitiba lesisenhla, emgwacweni loya eNsimini yeMgezi Wetingubo.

2 Emakhosi 18:17 ပူးပေါင်းရင်းမြစ်များ

Isaya 20:1

Ngemnyaka indvuna lenkhulu yemphi, leyayitfunywe nguSagoni, inkhosi yase-Asiriya, yefikela e-Ashdodi, yayihlasela, yayitfumba,

Isaya 7:3

Simakadze wakhuluma ku-Isaya, watsi: “Phuma wena nemsa wakho Sheyari Jashubi niyewuhlangabeta Ahazi ngasemseleni wesitiba lesisenhla, emgwacweni loya eNsimini yeMgezi Wetingubo.

2 Emakhosi 20:20

Leminye imininingwane ngekubusa kwaHezekiya, nako konkhe kuphumelela kwakhe, nekutsi walakha njani lichibi nemsele labeletsa ngawo emanti ekhatsi edolobheni, kubhaliwe encwadzini yemilandvo yemakhosi akaJuda.

Isaya 36:2

Inkhosi yase-Asiriya yase itfumela indvuna yayo lenkhulu yemphi kanye nalelikhulu libutfo lemphi lelesuka eLakhishi, laya enkhosini Hezekiya eJerusalema. Kwatsi lendvuna lenkhulu yemphi nayima ngasemseleni wesitiba lesisenhla, emgwacweni loya eNsimini yeMgezi Wetingubo,

2 Tikhronike 32:9

Kwatsi kamuva, ngesikhatsi Senaheribi, inkhosi yase-Asiriya, kanye nawo onkhe emabutfo akhe, basevimbetele iLakhishi, watfumela tindvuna takhe eJerusalema nemlayeto kuHezekiya, inkhosi yakaJuda, nakubo bonkhe bantfu bakaJuda lababelapho, utsi:

2 Emakhosi 14:19

Bakha luzungu ngaye eJerusalema, wase uyabaleka waya eLakhishi; kodvwa batfumela emadvodza amcosha, afike ambulalela khona eLakhishi.

2 Emakhosi 18:16

Ngaleso sikhatsi Hezekiya, inkhosi yakaJuda, wahhibita yonkhe igolide labembese ngayo tivalo kanye netinsika tetivalo tasethempelini laSimakadze, wakunika inkhosi yase-Asiriya.

2 Emakhosi 19:6

Isaya wakhuluma kuto, watsi: “Tjelani inkhosi yenu nitsi: ‘Naku lokushiwo nguSimakadze, utsi: Ningesatjiswa nguloko lenikuvile, lawo mavi ledzelelako etinceku tenkhosi yase-Asiriya letingihlambalate ngawo.

2 Emakhosi 19:23

Ngetigijimi takho umpongise tindvundvuma tetinhlamba kuSimakadze, futsi watsi: “Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

2 Tikhronike 12:4

Watfumba lamadolobha akaJuda latinqaba, waze wefika eJerusalema.