2 Emakhosi 18:12 - Siswati 1996 Bible

¹² Loku kwenteka, ngobe babengakamlaleli Simakadze Nkulunkulu wabo, kodvwa basephula sivumelwane sakhe, konkhe loko Mosi, inceku yaSimakadze, labebayale ngako. Abazange balalele imiyalo yakhe, futsi abahambanga nangayo.

2 Emakhosi 18:12 ပူးပေါင်းရင်းမြစ်များ

1 Emakhosi 9:6

“Kodvwa nangabe nine nome emadvodzana enu nigucuka, nisuka kimi, ningayigcini imiyalo yami netimiso tami lengininike tona, nisuke kuto niyewukhonta labanye bonkulunkulu nikhuleke kubo,

2 Emakhosi 21:8

Ngingeke ngiphindze ngente tinyawo tema-Israyeli tibe solomane tizulazula tisuke kulelive lengalipha bokhokho bawo, kuphela nje nangabe bangacaphela kutsi bente konkhe loko lengabayala ngako kutsi bakwente nekutsi bagcine wonkhe umtsetfo lengawunika Mosi, inceku yami.”

Nehemiya 9:17

Bala kulalela, abazange bakhumbule timangaliso lewawutentile kubo. Bahlubuka baba netinhloko letilukhuni, baze ngekutiphakamisa kwabo batikhetsela umholi wabo labetabahola ababuyisele ebugcilini babo. Kodvwa wena unguNkulunkulu lotsetselelako, nalonemusa, nesihawu, lowephutako kutfukutsela ugcwele lutsandvo. Ngako awuzange ubalahle,

Tihlabelelo 107:17

Labanye baba tilima ngenca yekona nebubi babo behlelwa kuhlupheka.

Tihlabelelo 78:10

Abasigcinanga sivumelwane saNkulunkulu, bala kuhamba ngemtsetfo wakhe.

Tihlabelelo 81:12

Ngako-ke ngabayekelela enkhanini yetinhlitiyo tabo, kuze batihambele ngekutsandza kwabo.

Isaya 1:19

Nangabe nivuma futsi nilalela, niyawudla sivuno lesihle kakhulu selive;

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Jeremiya 7:23

kodvwa ngabanika umyalo lotsi: Ngilaleleni, mine-ke ngiyawuba nguNkulunkulu wenu, nine nibe sive sami. Hambani ngato tonkhe tindlela tami lenginiyale ngato, kuze kunihambele kahle.

Hezekeli 11:12

Ngulapho-ke niyawungati khona kutsi mine nginguSimakadze, ngobe anikatilandzeli timiso tami, nemitsetfo yami anikayigcini, kodvwa nisuke nalingisa letive letinitungeletile.”

Danyela 9:5

sonile kuwe senta lokubi. Besibabi kakhulu, futsi sakuvukela; siphambukile sashiya imiyalo yakho nemitsetfo yakho.

Amose 2:6

Naku lokushiwo nguSimakadze, utsi: “Bantfu baka-Israyeli bone kwaze kwengca, ngaleso sizatfu ngingeke ngihlale ngingabajezisi. Labalungile babatsengisa ngesiliva, bese kutsi labeswele babatsengise ngetincabule letimbili.

Mikha 3:4

Siyeta sikhatsi lapho nitawukhala khona kuSimakadze, kodvwa angeke aniphendvule. Angeke ayilalele imithandazo yenu, ngobe nente lokubi kuye.

Numeri 12:7

Kodvwa angenti njalo kulenceku yami Mosi. Kuyo yonkhe indlu yami wetsembekile.

Dutheronomi 11:28

Kuyawuba sicalekiso kini, naningayilaleli imiyalo yaSimakadze Nkulunkulu wenu, niphindze niphambuke endleleni lenginiyale ngayo lamuhla, bese nilandzela labanye bonkulunkulu leningazange senibati.

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

Dutheronomi 31:17

Ngalelo langa ngiyawubatfukutselela ngibashiye. Ngiyawubafihlela buso bami, bayawubhubha. Bayawukwehlelwa tigemegeme netinhlupho letinyenti, ngalelo langa bayawutibuta batsi: ‘Letigemegeme atikasehleli ngobe Nkulunkulu angasekho kitsi yini?’

Dutheronomi 34:5

Mosi, inceku yaSimakadze, wafela khona lapho kulakaMowabi, njengobe Simakadze abeshito.

Dutheronomi 8:20

Naningamlaleli Simakadze Nkulunkulu wenu, nani niyawubhujiswa njengato letive Simakadze Nkulunkulu wenu latibhubhisa embikwenu.”

2 kubaseThesalonika 1:8

INkhosi iyawuvela emalangabini emlilo, ijezise labo labangamati Nkulunkulu, nalabo labangalilaleli liVangeli leNkhosi yetfu Jesu.

2 kuThimothi 2:24

Sisebenti seNkhosi asikafaneli kutsi silwe, kodvwa sifanele kutsi sibe mnene kubo bonkhe bantfu, sibe nelisu lekufundzisa, sibeketele,

Joshuwa 1:1

Emvakwekufa kwaMosi, inceku yaSimakadze, Simakadze wakhuluma naJoshuwa, umsa waNuni, labengumsiti waMosi, watsi:

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?