2 Emakhosi 18:10 - Siswati 1996 Bible

¹⁰ Kwatsi emvakweminyaka lemitsatfu ema-Asiriya ayitfumba. Ngako iSamariya yatfunjwa ngemnyaka wesitfupha waHezekiya lekwakungumnyaka wemfica waHosheya, inkhosi yaka-Israyeli.

2 Emakhosi 18:10 ပူးပေါင်းရင်းမြစ်များ

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

Isaya 10:9

IKhalno ayikafanani yini neKhakhemishi? IHamathi ayifanani yini ne-Aphadi? ISamariya yona ayifanani yini neDamaseko?

Hoseya 13:16

Bantfu baseSamariya kufanele batitfwalele licala labo, ngobe bamhlubukile Nkulunkulu wabo. Bayawubulawa ngenkemba; tinswane tabo tiyawusacatwa phansi emhlabatsini, labakhulelwe babo bahhujutwe tisu.”

Amose 3:11

Ngaleso sizatfu naku lokushiwo yiNkhosi Simakadze, itsi: “Sitsa siyakulitungeleta live, sibhidlite tonkhe tinqaba tenu, siphange netigodlo tenu.”

Amose 6:7

Ngako-ke nitawuba kanye nebekucala kulabayawudzingiswa. Lokutamasa kwenu ngemadzili, nicambalale kamnandzi, kutawuphela.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Mikha 7:13

Umhlaba uyawuba lugwadvule ngenca yebubi balabo bantfu labahlala kuwo.

Numeri 32:41

Jayire, umtukulu waManase, watfumba takhiwo tabo, watetsa libito watsi ngemaHavothi Jayire.