2 Emakhosi 17:39 - Siswati 1996 Bible

³⁹ kodvwa niyawukhonta Simakadze Nkulunkulu wenu. Nguye loyakunikhulula esandleni sato tonkhe titsa tenu.”

2 Emakhosi 17:39 ပူးပေါင်းရင်းမြစ်များ

2 Emakhosi 17:36

Kodvwa Simakadze lowanikhipha eGibhithe ngemandla lamakhulu, nangengalo leyelulekile, nguye yedvwa lekufanele nimkhonte. Niyawukhotsama kuye, ninikele kuye ngemihlatjelo.

2 Emakhosi 17:38

Ningasikhohlwa sivumelwane lengisente nani, futsi ningabakhonti labanye bonkulunkulu,

2 Emakhosi 17:40

Noko abazange balalele, kodvwa baphikelela ekwenteni imikhuba yabo yakadzeni.

Nehemiya 9:27

Ngako wabanikela etandleni tetitsa tabo letabacindzetela. Kodvwa batsi nase bacindzetelekile, bakhala kuwe. Watsi usezulwini lakho wabeva, ngesihawu sakho lesikhulu wabatfumelela bakhululi lababalamulela babasindzisa esandleni setitsa tabo.

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Lukha 1:50

Ubonakalisa sihawu sakhe kubo bonkhe labamesabako, kusukela esitukulwaneni, kuya esitukulwaneni.

Lukha 1:71

Wasetsembisa kusisindzisa etitseni tetfu, nasemandleni abo bonkhe labasitondzako.

1 Samuweli 12:24

Kodvwa nine cinisekani kutsi nesaba Simakadze, nikhonte yena ngekwetsembeka, ngayo yonkhe inhlitiyo yenu. Nikhumbule kutsi tinkhulu kanganani tintfo lanentela tona.

1 Samuweli 7:3

Samuweli wakhuluma esiveni sonkhe saka-Israyeli, watsi: “Naniphendvukela kuSimakadze ngayo yonkhe inhlitiyo yenu, kufanele nitisuse tonkhe letithico tebetive kanye nabo-Ashtarothe benu, bese nitinikela kuSimakadze nikhonte yena yedvwa, yena-ke utawube sewuyanikhulula esandleni semaFilisti.”