2 Emakhosi 17:25 - Siswati 1996 Bible

²⁵ Ngesikhatsi basandza kufika khona, abazange bamkhonte Simakadze, ngako Simakadze wabatfumelela ngemabhubesi, afike adla labanye babo.

2 Emakhosi 17:25 ပူးပေါင်းရင်းမြစ်များ

1 Emakhosi 13:24

Watsi asahamba endleleni, wahlangana nelibhubesi, lambamba lambulala, sidvumbu sakhe sadzilikela phansi emgwacweni, lembongolo nalelibhubesi kwema eceleni kwesidvumbu.

1 Emakhosi 20:36

Ngako lomphrofethi watsi: “Njengobe ungakamlaleli Simakadze, utawutsi nawusuka lapha, libhubesi likubulale.” Yatsi lendvodza nayisuka ihamba, yakhandvwa libhubesi lelayibulala.

2 Emakhosi 17:26

Loko kwabikwa enkhosini yase-Asiriya, kwatsiwa: “Labantfu lowabatfumba wayakubahlalisa emadolobheni aseSamariya abamati nkulunkulu wakhona kutsi ufunani. Sewutfumele emabhubesi emkhatsini wabo, ayababhobabhoba nje nyalo, ngobe labantfu abakwati lakufunako kubo.”

2 Emakhosi 17:28

Ngako-ke lomunye webaphristi lababetfunjwe eSamariya waya wayawuhlala eBetheli, wabafundzisa kutsi ukhontwa njani Simakadze.

2 Emakhosi 17:32

Babekhonta naSimakadze, kodvwa babetimisela yonkhe inhlobo yebantfu bakubo kutsi bakhonte njengebaphristi kuletithico tabo etindzaweni letiphakeme.

2 Emakhosi 17:34

Kuze-ke kube ngulamuhla loku basaphikelele nekwenta imikhuba yabo yakadzeni. Abamkhonti Simakadze, futsi abayilandzeli imiyalo netimiso, nemitsetfo, neteluleko Simakadze lakunika titukulwane taJakobe, lametsa libito watsi ngu-Israyeli.

2 Emakhosi 17:41

Nangesikhatsi labantfu sebakhonta Simakadze, kodvwa babesachubeka nekukhonta tithico tabo. Kuze kube ngulamuhla loku, bantfwababo, nebantfwana bebantfwababo basachubeka nekwenta njengaboyisemkhulu.

2 Emakhosi 2:24

Wagucuka wababuka; wamemeta, abacalekisa ngelibito laSimakadze. Kwabe sekuchamuka emabhele lamabili aphuma ehlatsini, adladlabula lababengema-42 balabo bafana.

Isaya 15:9

Emanti aseDiboni agcwele ingati, kodvwa iDiboni ngisetayengetela; yebo, libhubesi kulabo lababaleka kaMowabi, nakulabo labangimisalela kulelo live!

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jeremiya 15:3

Simakadze utsi: “Ngiyawutfumela tinhlobo letine tebabhubhisi labatakulwa nabo: inkemba yekubulala, netinja tekuhudvulela khashane, netinyoni tasemoyeni, netilwane tesiganga tekushwabudzela nekubhubhisa.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Hezekeli 14:15

“Kube bengingatfumela tilwane tesiganga kulelo live, tilishiye lite bantfwana, libe lihlane kangangekutsi kubete namunye longendlula kulo alidzabule ekhatsi ngenca yaleto tilwane,

Hezekeli 14:21

“Ngobe naku lokushiwo yiNkhosi Simakadze, itsi: Kuyawuba kubi kangakanani-ke nangitfumela tehlulelo tami letine letiyawumelana neJerusalema: inkemba, nendlala, netilwane tesiganga kanye nesifo lesibulalanako, kutsi titewubulala bantfu bayo netilwane tayo!

Danyela 6:26

“Ngikhipha umtsetfosimemetelo kutsi kuyo yonkhe indzawo lelapha embusweni wami bantfu kufanele bamesabe babuye bamhloniphe Nkulunkulu waDanyela. “Ngobe unguNkulunkulu lophilako, futsi uyawuhlala akhona phakadze naphakadze; umbuso wakhe ungeke ubhujiswe, yebo, umbuso wakhe ungeke uphele.

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Jona 1:9

Wabaphendvula watsi: “NgingumHebheru; ngikhonta Simakadze, Nkulunkulu welizulu, lowadala umhlaba nelwandle.”

Joshuwa 22:25

Simakadze wente iJordane yaba ngumnyele emkhatsini wetfu nani, nine tive takaRubeni nesakaGadi! Aninasabelo kuSimakadze!’ Ngako titukulwane tenu tingahle tente leti tetfu tikuyekele kwesaba Simakadze.