2 Emakhosi 16:9 - Siswati 1996 Bible

⁹ Thiglathi Phileseri, inkhosi yase-Asiriya, wasemukela sicelo sa-Ahazi, washuca nemphi yakhe wayawuhlasela iDamaseko, wayitfumba, wabulala Resini, wase utfumba labantfu bakhe wabayisa eKhiri.

2 Emakhosi 16:9 ပူးပေါင်းရင်းမြစ်များ

2 Tikhronike 16:4

Bheni Hadadi wayivumela inkhosi Asa, watfumela tindvuna takhe temabutfo kutsi tiyewuhlasela emadolobha aka-Israyeli. Tancoba, tatfumba i-Ijoni, neDani, ne-Abela Mayimu, kanye nawo onkhe emadolobha latingungu akaNaftali.

2 Tikhronike 28:21

Ahazi watsatsa letinye timphahla tasethempelini laSimakadze netasesigodlweni nakutiphatsimandla, watetfula enkhosini yase-Asiriya, kodvwa naloko akuzange kumsite.

2 Tikhronike 28:5

Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.

Isaya 10:9

IKhalno ayikafanani yini neKhakhemishi? IHamathi ayifanani yini ne-Aphadi? ISamariya yona ayifanani yini neDamaseko?

Isaya 17:1

Livi lesembulo lelimacondzana neDamaseko: “Buka la, iDamaseko ingeke isaba lidolobha, kodvwa seyitawuba yindvundvuma nje yetindzala.

Isaya 22:6

Elamu utsatsa umgodla wemicibisholo, utseleka nebagibeli bakhe betincola kanye nemahhashi; emadvodza aseKhiri agwabula emahawu.

Isaya 37:18

“Kuliciniso kona, Simakadze, kutsi emakhosi ase-Asiriya atibhubhisile tonkhe letive kanye nemave ato.

Isaya 7:16

Kodvwa kuyawutsi lomfana asengakakwati kwala lokubi akhetse lokuhle, lelo live lalamakhosi lamabili lowesabako, liyawube selingasenalutfo.

Isaya 9:10

“Titini tidzilikele phansi, kodvwa tsine sitakwakha kabusha ngematje labatwe kahle. Tihlahla temakhiwa tigawuliwe, kodvwa tsine sitatenana ngetihlahla temisedari.”

Isaya 9:11

Kodvwa Simakadze ubacinisele titsa takaResini kutsi tikwati kubhekana nabo, wahlohla titsa tabo.

Amose 9:7

“Nine, ma-Israyeli, anifanani yini kimi nemaKushe?” kusho Simakadze. “Angizange ngimkhiphe yini Israyeli eGibhithe, nemaFilisti eKhaftori ngakhipha nemaSiriya eKhiri?”