2 Emakhosi 16:4 - Siswati 1996 Bible

⁴ Wanikela nangemihlatjelo, watfuncisa imphepho etindzaweni letiphakeme, nasetulu eticongweni temagcuma, nangephansi kwetihlahla letikhulu letendlala emagala ato.

2 Emakhosi 16:4 ပူးပေါင်းရင်းမြစ်များ

1 Emakhosi 14:23

Batakhela tindzawo letiphakeme tekukhonta tithico, netinsikamatje tato lekwakutsiwa tingcwele kanye netinsika ta-Ashera eticongweni tato tonkhe tintsaba letiphakeme nangaphansi kwato tonkhe tihlahla letendlala emagala ato.

2 Emakhosi 12:4

Jowashi wakhuluma kubaphristi, watsi: “Butsani yonkhe imali yeminikelo lengcwele leletfwa ethempelini laSimakadze: imali lebutfwa ngangekwesilinganiso semuntfu, nemali leyemukelwa etifungweni letentiwa ngumuntfu ngamunye, nemali yeminikelo yesihle leletfwa ethempelini.

2 Emakhosi 14:4

Kodvwa tindzawo letiphakeme tekukhontela tithico tona atizange tisuswe; bantfu babechubeka banikelela kuto imihlatjelo yekushiswa, batfuncisa nemphepho khona.

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Isaya 65:4

labahlala emkhatsini wemadliza, bacitse busuku babo emilindzelweni leyimfihlo, badle inyama yetingulube, nemabhodo abo aphatse bubendze benyama lengcolile ngekwemtsetfo,

Isaya 66:17

“Labo labatihlambululako, batingcwelisele kungena etivandzini, balandzela lowo losemkhatsini walabo labadla inyama yetingulube, nemagundvwane kanye naletinye tintfo letinengekako, bayawuphelela lapho kanyekanye,” kusho Simakadze.

Jeremiya 17:2

Ngisho nebantfwababo bakhumbula emalati abo netinsika tabo-Ashera, eceleni kwetihlahla letendlala emagala ato, nasemagcumeni laphakeme,

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Hezekeli 6:13

Ngulapho-ke bayawungati kahle kutsi mine nginguSimakadze, bantfu babo nase balele lunja emkhatsini wetithico tabo, batungelete emalati abo kuwo onkhe emagcuma laphakeme, nakuto tonkhe ticongo tetintsaba, nangaphansi kwato tonkhe tihlahla letendlala emagala ato, nangaphansi kwawo onkhe ema-okhi lanemacembe lacebetelako, tindzawo lapho bebentela khona iminikelo yemphepho lenuka kamnandzi kuto tonkhe tithico tabo.

Dutheronomi 12:2

Nibotibhubhisa tonkhe letindzawo letisetulu etintsabeni, nasemagcumeni, nangaphansi kwato tonkhe tihlahla letiluhlata, lapho letive lenitemuka lelive betikhontela khona bonkulunkulu bato.