2 Emakhosi 16:3 - Siswati 1996 Bible

³ Wahamba etinyatselweni temakhosi aka-Israyeli, yena-ke wadzimate wanikela nangendvodzana yakhe kutsi ishiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Emakhosi 16:3 ပူးပေါင်းရင်းမြစ်များ

1 Emakhosi 14:24

Kwaze kwaba khona ngisho netitabane kuleto tindzawo tekukhontela tithico. Sive sakaJuda senta tonkhe leto tintfo letilihlazo letatentiwa nguletive Simakadze labetidvungulule ngesikhatsi nakufika sive sema-Israyeli.

2 Emakhosi 17:16

Bayifulatsela yonkhe imiyalo yaSimakadze Nkulunkulu wabo, batakhela tabo tithico letimbili letimise kwematfole, batakhela nensika ya-Ashera. Bakhotsama tinkhanyeti, bakhonta sithico saBhali.

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 17:19

naso sive sakaJuda asizange siwugcine umyalo waSimakadze Nkulunkulu waso. Salandzela imikhuba lemibi leyase ifakwe baka-Israyeli.

2 Emakhosi 17:8

balandzela imikhuba yaleto tive Simakadze labetidvungulule nabefikako, benta nemikhuba lemisha leyayentiwa ngemakhosi aka-Israyeli.

2 Emakhosi 21:11

“Manase, inkhosi yakaJuda, wente letono letisinengiso. Wente lokubi kakhulu kwendlula ema-Amori labekhona ngaphambi kwakhe, sewuze wahola bakaJuda wayawubafaka esonweni sekukhonta tithico.

2 Emakhosi 21:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Emakhosi 21:6

Wanikela ngendvodzana yakhe kutsi ishiswe ngemlilo, wangenela bungoma nemilingo, wabuye watihlanganisa nalabanemadloti kanye nalabaphengulako. Wenta lokubi kakhulu emehlweni aSimakadze, wamtfukutselisa.

2 Emakhosi 21:9

Kodvwa bantfu abazange balalele. Manase wabedukisa, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

2 Emakhosi 23:10

Inkhosi Josaya yahlazisa indzawo iThofethi, leyayiseSigodzini sakaBheni Hinomu, ngako kwabate umuntfu labengayisebentisa ekunikeleni indvodzana yakhe nome indvodzakati yakhe ngekutsi ishiswe ngemlilo kuMoloki.

2 Emakhosi 8:18

Wahamba etinyatselweni temakhosi aka-Israyeli, njengobe kwakwenta bendlu yaka-Ahabi, yena-ke washada nendvodzakati ya-Ahabi. Wenta lokubi emehlweni aSimakadze.

2 Tikhronike 22:3

Ahaziya naye wahamba etinyatselweni tebendlu yaka-Ahabi, ngobe unina wamkhutsata ekwenteni lokubi.

2 Tikhronike 33:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Tikhronike 33:6

Wanikela ngemadvodzana akhe kutsi ashiswe emlilweni eSigodzini sakaBheni Hinomu, wangenela bungoma, nemilingo, nebutsakatsi, watihlanganisa nalabanemadloti nalabaphengulako. Wenta lokubi kakhulu emehlweni aSimakadze, wamtfukutselisa.

Tihlabelelo 106:35

kodvwa batihlanganisa nebetive, bafundza kwenta imikhuba yato.

Isaya 57:5

Nishiselwa tinkhanuko etihlahleni tema-okhi nangaphansi kwato tonkhe tihlahla letendlala emagala ato. Ninikela ngebantfwabenu emifudlaneni nangaphansi kwemifantfu yemadvwala.

Jeremiya 32:35

Bakhela Bhali tindzawo letiphakeme eSigodzini sakaBheni Hinomu bentela kutsi bente umhlatjelo ngemadvodzana nemadvodzakati abo kuMoloki, noko angizange sengibayale kutsi bakwente, futsi bengingazange sengikucabange nasengcondvweni yami kutsi bangayenta intfo lesinengiso kangaka ngaloko bonise sive sakaJuda.”

Hezekeli 16:21

Wahlaba bantfwana bami wenta ngabo umhlatjelo kuletithico.

Hezekeli 16:47

Wena-ke awuzange umane ubalingise nje kuphela, nome-ke ukope kuphela nje letindlela tabo letinengekako, kodvwa kuto tonkhe tindlela takho wena washesha wase wonakala kakhulu kunabo.

Hezekeli 20:26

ngabenta baba ngulabangcolile ngekwemtsetfo ngenca yetipho tabo, umhlatjelo wako konkhe lokulitubulo, khona ngitekubesabisa, kuze batekwati kutsi mine nginguSimakadze.’

Hezekeli 20:31

Nanetfula tipho tenu, imihlatjelo lengemadvodzana enu emlilweni, nichubeka nekutingcolisa ngato tonkhe letithico tenu kuze kube ngulamuhla. Mine-ke sekufanele nginivumele yini kutsi nibute kimi, ninendlu yaka-Israyeli? Kona ngifunga kuphila kwami, ngingeke nginivumele nibute kimi, kusho iNkhosi Simakadze.

Levithikusi 18:21

Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. NginguSimakadze.

Levithikusi 20:2

“Khuluma esiveni sema-Israyeli utsi: ‘Wonkhe um-Israyeli nome wetive lohlala nani lonikela ngemntfwana wakhe akhonte Moloki, kufanele abulawe. Sive sonkhe siyawumbulala ngekumgcoba ngematje.

Mikha 6:7

Kungabe Simakadze uyawujabula yini, nangimletsela tinkhulungwane tetimvu nome imifula lengancamuki yemafutsa emncumo? Ngifanele yini kunikela kuye ngelitubulo lami, lekusitselo semtimba wami, kutsi libe yinhlawulo yetono tami?

Dutheronomi 12:31

Aniyikumkhonta Simakadze Nkulunkulu wenu ngendlela yato, ngobe tona natikhonta bonkulunkulu bato, tenta tonkhe tintfo letenyanyekako naletisinengiso kuSimakadze. Tona tize tishise nemadvodzana nemadvodzakati ato emlilweni njengemihlatjelo kulabonkulunkulu bato.

Dutheronomi 18:10

Kubete emkhatsini wenu loyawutfolakala anikela ngendvodzana nome ngendvodzakati yakhe ngekuyengcisa emlilweni, kubete nalobhulako nome losangoma, nome lohumusha tigameko, angenele butsi,