2 Emakhosi 16:2 - Siswati 1996 Bible

² Ahazi abeneminyaka lengema-20 budzala, nakabekwa kuba yinkhosi. Wabusela eJerusalema iminyaka leli-16. Akazange ahambe etinyatselweni teyise Davide, wenta lokubi emehlweni aSimakadze Nkulunkulu wakhe.

2 Emakhosi 16:2 ပူးပေါင်းရင်းမြစ်များ

1 Emakhosi 15:3

Abiya watenta tonkhe tono letatentiwe nguyise embikwakhe; inhlitiyo yakhe yayingakapheleli kuSimakadze Nkulunkulu wakhe, njengenhlitiyo yaDavide labengukhokho wakhe labenamatsele kuNkulunkulu.

1 Emakhosi 3:14

Nawutawuhamba etindleleni tami, uhloniphe netimiso tami nemiyalo yami njengeyihlo Davide, ngiyakukunika nemphilo lendze.”

1 Emakhosi 9:4

“Wena-ke nangabe ungahamba ngebucotfo benhlitiyo nangekucondza embikwami, ulingise uyihlo Davide, wente konkhe lengikuyala ngako, ugcine timiso nemitsetfo yami,

2 Emakhosi 14:3

Wenta lokuhle emehlweni aSimakadze, kodvwa noko hhayi njengeyisemkhulu Davide. Kuko konkhe walandzela etinyatselweni teyise Jowashi.

2 Emakhosi 15:3

Uziya wenta lokuhle emehlweni aSimakadze, njengobe uyise Amasiya abentile.

2 Emakhosi 15:34

Jothamu wenta lokuhle emehlweni aSimakadze, njengobe uyise Uziya abentile.

2 Emakhosi 18:1

Ngemnyaka wesitsatfu waHosheya, umsa wa-Ela, inkhosi yaka-Israyeli, Hezekiya, umsa wa-Ahazi, inkhosi yakaJuda, wacala kubusa.

2 Emakhosi 18:3

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Emakhosi 22:2

Josaya wenta lokuhle emehlweni aSimakadze, wahamba ngato tonkhe tindlela teyise Davide, akazange aphambukele ngesekudla nome ngesancele.

2 Tikhronike 17:3

Simakadze abenaJehoshafati, ngobe abehamba etindleleni taDavide, uyise, labehamba kuto ebusheni bakhe. Akazange abute indlela kuboBhali,

2 Tikhronike 29:2

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.